UEFA-nyň Çempionlar ligasynyň 1/8 final tapgyrynyň deslapky oýnunda Italiýanyň Napoli kluby öz öýünde Ispaniýanyň Barselonasyny kabul etdi. Duşuşyk 1:1 hasabyndaky deňlikde tamamlandy.
Duşuşykda hasap 60-njy minutda myhmanlaryň hüjümçisi Robert Lewandowski tarapyndan açyldy. 75-nji minutda bolsa Napoliniň hüjümçisi Wiktor Osimhen hasaby deňledi.
Günüň beýleki gapma-garşylygynda Portugaliýanyň Portu topary öz meýdançasynda Londonyň Arsenalyny 1:0 hasabynda ýeňlişe sezewar etdi.
Bu jübütleriň arasyndaky jogap oýunlary 12-nji martda Barselona we London şäherlerinde geçiriler.
Ýeri gelende bellesek, turniriň häzirki çempiony Mançester Siti hasaplanýar. Ýaryşyň bu ýylky finaly 1-nji iýunda London şäherindäki Uembli stadionynda geçiriler.