Ýewropa Bileleşigi, merkezi Russiýada ýerleşýän almaz öndürýän dünýäniň iň uly firmalaryndan biri bolan Alrosa firmasyna we ýokary derejeli ýolbaşçysyna sanksiýa goýdy.
ÝB Geňeşi, Ukrainanyň bitewiligine we garaşsyzlygyna howp salýan aksiýalardan jogapkärdigi sebäpli firmanyň we firmanyň ýolbaşçysynyň sanksiýa sanawyna degişli edilendigini habar berdi.
ÝB Geňeşinden berlen beýannamada, Rus almaz firmasy Alrosa we ýokary derejeli ýolbaşçysy Rawel Alekseýewiç Marinçewiň sanksiýa sanawyna alynandygy nygtaldy.
Beýannamada, Alrosa firmasynyň rus döwletine degişlidigi bellenildi.
ÝB-niň dekabr aýynda kabul eden 12-nji sanksiýa bukjasynyň çäginde Russiýadan almaz importynyň gadagan edilendigi mälim edilipdi.
Şeýlelikde, ÝB-niň Ukraina guraýan hüjümleri sebäpli Russiýa goýan sanksiýa sanawyna alynan adamlaryň we guramalaryň sany 1950-ä ýetdi.