Ýewropa Bileleşigine agza ýurtlaryň Daşary işler ministrleri Owganystandaky we Liwandaky ýagdaýy, Ýakyn Gündogardaky we Mozambik döwletinde başdan geçirilen soňky wakalary ara alyp maslahatlaşmak üçin maslahat geçirýärler.
Belgiýanyň paýtagty Brýussel şäherinde ýygnanan ÝB Daşary gatnaşyklar geňeşiniň resmi güntertibinde täze sanly tehnologiýalaryň geosyýasaty, şu ýylyň ahyrynda taslamasynyň taýarlanmagyna garaşylýan ÝB-niň "Strategiki Kompas" resminamasy, Efiopiýa ýaly meseleler bar.
Maslahatda Mozambik döwletine Ensarul Sunna atly terror guramasyna garşy göreş üçin ÝB Tälim missiýasynyň ugradylmagy barasynda ÝB Geňeşiniň kararynyň alynmagyna garaşylýar.
Liwandaky syýasy we ykdysady krizis hem maslahatyň güntertibinde bar.
Ministrleriň maslahatynda şeýle hem Günorta Kawkazdaky hadysalar maslahatlaşylar.
Awstriýa, Litwa we Rumyniýa ýaly ýurtlaryň Daşary işler ministrleriniň Gruziýa, Azerbaýjan we Ermenistan ýaly ýurtlara guran saparlarynyň netijeleri barada Geňeşe maglumat beriler.
ÝB-ne agza ýurtlaryň Daşary işler ministrleriniň maslahatynda Owganystan temasy hem gün tertibe getiriler.
ÝB-ne agza ýurtlaryň Daşary işler ministrleriniň maslahatyna Ysraýylyň Daşary işler ministri Lapid hem gatnaşar.