Ýaponiýanyň paýtagty Tokio şäherinde 8-nji iýulda saýlaw kampaniýasyny geçirýän mahaly guralan ýaragly hüjümde öldürilen Ýaponiýanyň ozalky Premýer ministri Sindzo Abe üçin jynaza çäresi geçirildi.
Tokionyň merkezindäki Zojo-Ji budist buthanasynda az sanda adamyň gatnaşmagynda, metbugata ýapyk häsýetde geçirilen jynaza çäresine maşgala agazalary bilen birlikde ýurduň häzirki Premýer ministri Fumio Kisida we deputatlar gatnaşdylar.
Çäreden soň jynaza ulagy Premýer ministrligiň, parlament binasynyň we Abeniň partiýasy bolan Liberal Demokrat partiýasynyň binasynyň öňünde geçdi.
Sindzo Abe 8-nji iýulda Liberal Demokrat partiýasynyň dalaşgärini goldamak maksady bilen Nara şäherindäki Ýamato-Saidaiji duralgasynyň golaýyndaky açyk meýdançada geçirilen çärede eden çykyşynda ýaragly hüjüme sezewar galypdy.
Hüjümden soň agyr ýaraly ýagdaýda hassahana ýatyrylan Abe halas edilip bilinmändi.
Ýaponiýanyň Döwlet telewideniýesu NHK hüjümden soň agyr ýaraly ýagdaýda hassahana ýatyrylan Abeniň ýogalandygyny habar beripdi.