Aziýa çempionatynyň 15-njisi 2011-nji ýylyň 729-njy ýanwary aralygynda Katar döwletinde geçirilýär.Oňa 16 ýygyndy gatnaşýar.Duşuşyklar paýtagt Dohadaky hem-de Al Raýýandaky jemi 5 stadionda oýnalýar. “A” toparçada Özbegistanyň ýygyndysy ýer eýelerini 20 hasabynda ýeňýär.
Hytaý hem şol hasap bilen Kuweýtden üstün çykýar. Özbegistan 2-nji duşuşygynda Kuweýti 21 ýeňse, Katar Hytaýyň derwezesinden jogapsyz 2 pökgi girizýär.Katar 3-nji duşuşygynda-da Kuweýti 30 hasabynda utup, 2-nji ýeri eýeleýär.
Hytaý bilen 22 deňme-deň oýnan Özbegistan 7 utuk toplap, 1-nji hatarda tamamlaýar. “B” toparçada iki topar Ýaponiýa bilen Iordaniýa 7 utuk toplaýar.Iki topar özara duşuşykda 1 utugy paýlaşýar.
Soňky oýunlarynda-da ýaponlar Siriýany 21, Okazakiniň 3, Maedanyň 2 gol geçiren oýnunda Saud Arabystanyny-da 50 ýeňýär.Iordaniýa bolsa, Saud Arabystanyny 10, Siriýany-da 21 hasabynda ýeňlişe sezewar edýär. “C” toparçada-da 1-nji we 2-nji ýerleri eýelänler Awstraliýa bilen Günorta Koreýa 7 utuk toplaýar.
Awstraliýa Hindistany Kahil (2), Kýuwell we Holmanyň gollary bilen 40 utýar.Günorta Koreýa-da Bahreýni Koo Ža-çeolyň 2 goly bilen 21 ýeňýär.Awstraliýa bilen Günorta Koreýanyň ikiçäk oýnunda ýeňiş gazanan bolmaýar (11).
Toparlaryň 3-nji oýunlarynda-da Günorta Koreýa Hindistandan 41 üstün çykýar.Duşuşykda Ži Don-won 2 gezek tapawutlanýar.Awstraliýa bolsa, Bahreýni Ýedinagyň ýeke-täk pökgüsi esasynda utýar. “D” toparçada-da Eýranyň ýygyndysy 3 duşuşygynda-da ýeňiş gazanýar.
Olar ilki soňky çempion Yragy 21, soňra Demirgazyk Koreýany 10 hem-de BAE-den 30 üstün çykýar.Yrak bolsa, 2-nji we 3-nji oýunlarynda BAE-ni hem-de D.
Koreýany 10 hasap bilen ýeňlişe sezewar edýär.Çärýek finalda Ýaponiýa ýer eýeleri Katary ýaryşdan çykarýar. Çekeleşikli geçen oýunda 32 hasabynda ýer eýeleri 2 gezek öňe saýlansa-da, 89-njy minutda ýaponlar ýeňşini baýram edýär (Kagawa 29, 71, Inoha 89 — Soria 13, Sezar 63). Özbeklerem Iordaniýany Ulugbek Bakaýewiň gollary bilen 21 hasabynda ýeňip, taryhynda ilkinji gezek ýarym finala çykýar. Çärýek finalyň beýleki 2 oýnunda-da ýeňijiler goşmaça wagtdaky gollardan soň belli bolýar. Ýagny Awstraliýa soňky çempion Yragy Kýuwelliň 118-nji minutdaky, Günorta Koreýa bolsa, Eýrany Ýun Bit-garamyň 105-nji minutdaky goly bilen 10 hasabynda ýeňýär.Ýarym finalda Ýaponiýa bilen Günorta Koreýa duşuşýar.
Oýnuň esasy wagty 11 tamamlanýar (Maeda 36 — Ki Sun ýuen 23 p).Goşmaça 30 minutda-da her topar ýene 1 gol geçirýär. 97-nji minutda Hosogai ýaponlary öňe çykarýar. Ýöne 120-nji minutda Hwan Žae-won hasaby deňleýär.
Soňra penaltilerde ýaponlar 30 hasabynda üstünlik gazanyp, 4-nji gezek finala çykýar.Beýleki ýarym finalda-da Awstraliýanyň ýygyndysy özbekleri uly hasap bilen, 60 (Kýuwell 5, Ognenowski 35, Karni 65, Emerton 73, Waleri 82, Kruse 83) hasabynda ýeňlişe sezewar edýär we ilkinji ýola finalçy bolýar.Çempionatyň bürünç medalyny bassyr 2-nji, umumylykda-da 4-nji sapar Günorta Koreýa eýeleýär.
Olar bu ugurda Özbegistany 32 hasabynda ýeňýär (Koo Ža-çeol 18, Ži Don-won 28, 39 — Geýnrih 45 p, 53).Final duşuşygy 29-njy ýanwarda Dohadaky Halifa halkara stadionynda oýnalýar. 37174 janköýeriň tomaşa eden oýnuna özbegistanly Rawşan Irmatow eminlik edýär.
Duşuşygyň esasy wagtynda hasap açylmaýar. 109-njy minutda Tadanari Liniň geçiren goly ýaponlara 4-nji çempionlygyny gazandyrýar. Şeýlelikde, Ýaponiýa yklymyň iň köp çempionlyk gazanan topary bolýar.Toparynyň çempionlygyna uly goşant goşan Keisuke Honda ýaryşyň iň gymmatly futbolçysy diýlip saýlanýar. 5 gezek tapawutlanan Koo Ža-çeol iň netijeli hüjümçi baýragyny eýeleýär.