“Toyota” kompaniýasynyň hünärmenleri mümkinçilikleri çäkli bolan adamlary gatnatmak, şeýle hem itleri gezim etdirmek üçin niýetlenen roboty döretdiler. Ýapon kompaniýasy öz täze oýlap tapyşyyny güwänamalaşdyrdy, bu baradaky habar United States Patent Application portalynda peýda boldy diýip, MIR24 habar berdi.
Täze enjam tigirçekli platforma bolmak bilen, onuň öň we yz taraplarynda goşmaça paneller ýerleşdirilendir. Hereketi çäkli adamlar, ýagny maýyplar onda ýerleşip, aralyklary geçip bilerler.
Robotyň itleriň boýunbagyny daňmak üçin ýörite berkitmesi hem bar, ony robotyň özi sazlaýar we haýwanyň howpsuzlygyny üpjün edýär, ýagny onuň awtoulaglardyr welosipedler bilen çaknyşmagynyň öňüni alýar, gerek wagty ýüpi dartyp iti saklaýar.