Ýaponiýanyň NHK teleýaýlymynyň berýän habaryna görä, Ýaponiýanyň Goranmak ministrligi, Hytaýyň harby goşunyna degişli Ý-9 kysymly harby uçaryň düýn ýerli wagt bilen 11.29-da Gündogar Hytaý deňizindäki Danžo adalarynyň golaýynda ýapon howa giňişligine girendigini habar berdi.
Beýannamada, uçaryň 2 minuda golaý Ýaponiýanyň howa giňişliginde galandygy nygtaldy.
Harby uçarlaryň degişli gaýtawuly görkezmek üçin herekete geçmeginden soň Hytaýa degişli uçaryň ýapon howa giňişliginden çykandygy ýatladyldy.
Ýaponiýanyň Goranmak ministrligi, ilkinji gezek ýapon howa giňişligini basgylan Hytaýyň maksadyna düşünmäge çalyşýandyklaryny mälim etdi.
Daşary işler ministrligi hem Hytaýyň Ýaponiýadaky geňeşçi ilçisi Şi Ýinge ýapon howa giňişliginiň basgylanmagy sebäpli protest notasyny berdi.