“Altyn top” baýragynyň çäginde ýaş futbolçylara berilýän Kopa baýragyna garaşylyşy ýaly “Barselonanyň” ispaniýaly futbolçysy Lamin Ýamal mynasyp boldy. Bu ugurda Arda Güler 2-nji, Kobbi Maýnu 3-nji ýeri eýeledi. Ýamal baýragy alan 3-nji ispaniýaly futbolçydyr.
Ýylyň iň öňe saýlanan hüjümçisine, has takygy, iň köp gol geçiren hüjümçä gowşurylýan Gerd Müller baýragy bu gezek 2 futbolça berildi. Baýragy ähli ýaryşlary alanyňda, 52 gol geçiren angliýaly Harri Keýn (“Bawariýa”) bilen fransiýaly Kilian Mbappe (PSŽ/“Real Madrid”) paýlaşdylar.
Sokrates baýragynyň bu ýylky eýesi ispaniýaly zenan futbolçy Jennifer Hermoso bolup, ol Meksikanyň “Tigers UANL” toparynda oýnaýar. 3-nji gezek gowşurylýan bu sylag ynsanperwerlik işlerine gatnaşýan futbolçylara berilýär.