Halkara Olimpiýa Komitetiniň Şweýsariýanyň Lozanna şäherinde geçiren 134-nji sessiýasynda 2026-njy ýylda geçiriljek gyşky Olimpiadanyň nirede guraljakdygy mälim edildi. Şoňa görä-de, 2026-njy ýylda geçiriljek XXV gyşky Olimpiýa oýunlaryny Italiýanyň Milan hem-de Kortina d’Ampezzo şäherleri kabul eder.
Italýan şäherleri bu ugurda Şwesiýanyň paýtagty Stokgolm bilen Are şäherlerinden öňe saýlanmagy başardy.Ses berlişikde 47 ses alan italýan şäherleri 34 ses alan şwed şäherlerini yzda galdyrdy. Şunlukda, gyşky Olimpiýa oýunlary 3-nji gezek Italiýada geçiriler.
Mundan ozal, 70 ýyl öň 1956-njy ýylda Kortina d’Ampezzoda hem-de 20 ýyl öň 2006-njy ýylda Turinde geçirilipdi. Şol bir wagtyň özünde-de bu Olimpiada 2 şäherde geçiriljek ilkinji gyşky Olimpiýa oýunlary bolar.