Günorta Koreýanyň Phýonçhan şäherinde geçirilýän XXIII gyşky Olimpiýa oýunlary tamamlanyp barýar. 9-njy fewralda başlan ýaryş ertir, ýagny 25-nji fewralda tamamlanar. 22-nji fewrala çenli hasaba alanyňda, medallaryň sanawynda 13 altyn medal gazanan 2 döwlet Norwegiýa bilen Germaniýa 12-nji orunlary paýlaşýarlar. Ýöne kümüş medallarda artykmaçlyk görkezen Norwegiýa 1-nji basgançagy eýeleýär.
Norwegiýaly lyžaçy Marit Býorgen Phýonçhandaky 4-nji medalyny gazanyp, ol gyşky Olimpiýa oýunlarynyň taryhyndaky iň köp medally türgen diýen adyň ýeke-täk eýesi boldy.
* Zenanlaryň arasyndaky lyžaly ýaryş sportunyň sprint toparlaýyn görnüşinde ABŞ 1-nji, Şwesiýa 2-nji, Norwegiýa-da 3-nji orny eýeledi.Norwegiýanyň adyndan wekilçilik eden Marit Býorgen gyşky Olimpiýa oýunlaryndaky 14-nji medalyny gazanyp, bu ugurda rekordyň ýeke-täk eýesi boldy.
Ol mundan öňki rekordy watandaşy, meşhur türgen 13 medally Ole Eýnar Býorgendalen bilen paýlaşýardy.Solt Leýk Siti 2002-den bäri gyşky Olimpiýa oýunlaryna gatnaşyp gelýän 37 ýaşly Marit Býorgen Phýonçhanda 4 medal gazanyp, olaryň sanyny 14-e ýetirdi (7 altyn, 4 kümüş, 3 bürünç).
Bu ýaryşda erkekleriň arasynda Norwegiýa altyn, Russiýadan gatnaşýan olimpiýaçylar kümüş, Fransiýa-da bürünç medala mynasyp boldy.* Hokkeý boýunça zenanlaryň arasyndaky finalda iki goňşy döwletiň ýygyndylary ABŞ bilen Kanada duşuşdy.
Oýnuň esasy hem-de goşmaça wagtlary 22 deňlikde tamamlandy.Penaltilerde 32 öňe saýlanan amerikaly gyzlar 20 ýyldan soň, bu ugurda altyn medala mynasyp boldy.Bu ABŞ-nyň hokkeýdäki 2-nji çempionlygy bolup, olar mundan öň 1998-nji ýylda ýeňiş gazanypdylar.
Yzly-yzyna 4 altyn medal alan kanadalylar bu sapar kümüş medal bilen oňňut etmeli boldular.Russiýadan gatnaşýan olimpiýaçylary 32 hasabynda utan Finlýandiýa bürünç medal gazandy.* Figuralaýyn typmagyň buzda tans görnüşinde kanadaly jübütler Tessa Wirtu bilen Skott Moir ýeňiji boldy.
Olaryň gysga programmada gazanan 83,67 hem-de umumylykda toplan 206,07 utuklary dünýä rekordlaryna deň boldy.Bu olaryň figuralaýyn typmagyň buzda tans görnüşinde gazanan 3-nji Olimpiýa altyn medaly bolup, umumylykda-da Olimpiadadaky 5-nji altyn medallaryny eýelediler.
Buzda tans görnüşinde fransiýaly Gabriella Papadakis bilen Guillaume Sizeron 2-nji, amerikaly doganlar Maia bilen Aleks Şibutaniler 3-nji orna mynasyp boldy.* Figuralaýyn typmakda erkekleriň arasyndaky ýekeleýin bäsleşikde 23 ýaşyndaky ýaponiýaly Ýuzuru Hanýu 317,85 utuk bilen bassyr 2-nji Olimpiýa altyn medalyny gazandy.
Ol 1948-nji we 1952-nji ýyllarda altyn medal alan amerikaly Dik Battondan soň, buzda tans görnüşinde Olimpiýa çempionlygyny goramagy başaran ilkinji erkek türgendir.Hanýunyň watandaşy Şoma Uno 2-nji, ispaniýaly Hawier Herandes 3-nji ýeri eýeledi.* Figuralaýyn typmak boýunça zenanlaryň arasyndaky ýekeleýin ýaryşda Russiýadan gatnaşýan olimpiýaçylar toparynyň 2 wekili 15 ýaşly Alina Zagitowa bilen 18 ýaşyndaky Ýewgeniýa Medwedewa degişlilikde, altyn we kümüş medallara mynasyp boldy. 3-nji orny bolsa, kanadaly Keitlin Osmond eýeledi.
Bu russiýaly olimpiýaçylaryň şu Olimpiadada gazanan ilkinji altyn medaly boldy.* Biatlon boýunça erkekleriň arasyndaky mass-start 15 kilometr ýaryşynda fransiýaly Marten Furkad ýeňiji boldy. 2-nji ýeri eýelän Simon Şempp ýeňiji bilen bir netijäni görkezse-de, sähelçe tapawut bilen Furkad ýeňiş gazandy.
Furkad 12,5 kilometrlik bäsleşikde-de, toparlaýyn ýaryşda-da ýeňiş gazanypdy. Şeýlelikde, 29 ýaşly Furkadyň Olimpiýa medallarynyň sany 7-ä ýetdi (5-si altyn).Biatlonda zenanlaryň arasynda toparlaýyn 4×6 kilometr ýaryşynda Belarusyň ýygyndysy ýeňiş gazandy. Şwedler 2-nji, fransuzlar 3-nji orny eýeledi.* Erkekleriň arasyndaky fristaýl halpaýp ýaryşynda amerikaly Dewid Waýz Olimpiýa çempionlygyny goramagy başardy.
Soçide hem ýeňiji bolan Waýz 97,2 utuk toplady.Watandaşy Aleks Ferreira 2-nji, Täze zelandiýaly Niko Porteus 3-nji orna mynasyp boldy. 16 ýaşly Porteusyň gazanan bürünç medaly, Täze Zelandiýanyň gyşky Olimpiýa oýunlarynda alan 3-nji medalydyr.* Şort-trek 3000 metr estafeta toparlaýyn ýaryşda zenanlarda ýene-de Günorta Koreýanyň ýygyndysy altyn medal gazandy.
Koreýaly şort-trekçi gyzlar 6-njy gezek Olimpiýa çempiony boldy. 2-nji ýeri italýanlar eýelän bolsa, Hytaý bilen Kanadanyň ýaryşdan çykarylmagyndan soň, “B” finalynyň ýeňijisi Niderlandlar dünýä rekordyny goýup, bürünç medal gazandy.* Şort-trek erkekleriň arasyndaky 5000 metr toparlaýyn ýaryşda Wengriýanyň ýygyndysy Olimpiýa rekordyny goýup (6 minut 31,971 sekunt), altyn medal gazandy.
Hytaý 2-nji, Kanada 3-nji orny eýeledi.* Şort-trek erkekleriň arasynda ýekeleýin 500 metr bäsleşiginde hytaýly U Daszin 39,584 sekuntlyk görkeziji bilen dünýä rekordyny goýdy.Mundan 4 ýyl ozal, Soçide kümüş alan 23 ýaşly Daszin bu gezek altyn medalyny baýram etdi. 23-nji orunlary-da ýer eýeleriniň türgenleri Hwan De Hon bilen Lim Hýo Žun paýlaşdy.* Dag lyžasy ýaryşlarynyň daunhill görnüşinde zenanlaryň arasynda italiýaly Sofiýa Gojja altyn, norwegiýaly Ragnild Mowinkel kümüş hem-de dünýä belli amerikaly lyžaçy Lindseý Wonn bürünç medala mynasyp boldy.* Bobsleý boýunça erkekleriň arasyndaky ikileýin ýaryşda altyn medaly kanadaly hem-de germaniýaly türgenler paýlaşdylar.
Iki toparam 3 minut 16,86 sekuntda pellehana geldiler. 3-nji ýeri Latwiýa eýeledi.Bobsleý boýunça zenanlaryň arasyndaky ikileýin ýaryşda-da Germaniýa öňe saýlandy.Amerikaly gyzlar 2-nji, kanadaly zenanlar bolsa, 3-nji orna mynasyp boldy.* Skeletonda erkeklerden ýer eýesi G.
Koreýanyň türgeni Sun-bin Ýun altyn, Russiýadan gatnaşýan olimpiýaçy Nikita Tregubow kümüş, B.Britaniýadan Dominik Parsons bürünç medal gazandy.Zenanlaryň arasynda ýeňiş Beýik britaniýaly Lizzi Ýarnoldyň tarapynda boldy.
Germaniýaly Jekuelin Lölling 2-nji, ýeňijiniň watandaşy Laura Deas 3-nji boldy.* Iki görnüşli lyža ýaryşlarynda 3 altyn medaly-da germaniýaly lyžaçylar gazandy.Uly tramplin 10 kilometr ýaryşynda Ýohannes Rydzek altyn, onuň watandaşlary Fabian Riessle kümüş, Erik Frenzel bürünç medala mynasyp boldy.
Adaty tramplin 10 kilometr bäsleşiginde Erik Frenzel 1-nji, ýaponiýaly Akito Watabe 2-nji, awstriýaly Lukas Klapfer 3-nji ýeri eýeledi.Estafeta uly tramplin 4×5 km bäsleşiginde Germaniýanyň topary münberiň çür depesine çykdy.
Norwegiýa bilenem Awstriýa 23-nji ýerlere mynasyp boldy.* Tramplinden lyžaly bökmek ýaryşlarynyň “K125” görnüşinde erkekleriň arasynda polşaly Kamil Stoh altyn medal gazandy. “K98”-de ýeňiji bolan germaniýaly Andreas Wellinjer 2-nji, norwegiýaly Robert Ýohansson 3-nji ýeri eýeledi. “K125” toparlaýyn bäsleşikde-de norwegler altyn, nemesler kümüş, polýaklar bürünç medal gazandy.* Snoubord kros ýaryşynda fransiýaly Pier Waltier Soçiden soň, Phýonçhanda-da altyn medala mynasyp boldy.
Awstraliýaly Jarrid Hýuz kümüş, ispaniýaly Regino Hernandes bürünç medaly eýeledi.