Xiaomi özüniň Redmi Note 11T 5G smartfon ugruny 30-njy noýabrda Hindistanda tanyşdyrar. Telefon üç wersiýada çykar we olaryň bahasy 228 dollardan başlar. Bu barada “Moneycontrol” insaýderine salgylanyp, ixbt.com habar berdi.
Syzdyrylan maglumatlara görä, Redmi Note 11T smartfony 6,6 dýuým ekran, bir kristally Dimensity 810 ulgamy we 33 watt zarýad bermegi goldaýan 5000 mA/h akkumulýator bilen üpjün ediler. Smartfon Poco M4 Pro 5G-iň täzelenen görnüşi bolmaly diýlip garaşylýar.
Redmi Note 11T 5G-de kamera üçin deşik, gapdal barmak yzy skaneri, 1080x2400 piksel durulykdaky 90 Hz şekil täzeleniş tizlikli ekran bolar. Esasy kameranyň 50 megapiksel, öň tarapky kameranyň bolsa 16 megapiksel şekil datçigi bolar. Ol “Android 11”-iň esasynda MIUI 12.5 bilen işlär. Smartfonda Wi-Fi, Bluetooth, GPS, 5G, gulaklyk üçin ýer we USB-C porty bolar.
Smartfonyň esasy wersiýasy 6 Gb RAM we 64 Gb fleş ýady bilen üpjün ediler we onuň bahasy 228 dollar bolar. 6/128 GB we 8/128 GB wersiýalary bolsa, degişlilikde, 242 dollar we 269 dollar bolar diýlip garaşylýar.