Garyşyk söweş stiliniň (MMA) awstraliýaly wekili Aleksandr Wolkanowski Koreý Zombisi ady bilen çykyş edýän koreýaly Çon Çhan Sony nokauta gidirip, Absolýut söweş çempionatynyň (UFC) ýarym ýeňil agramda çempiony guşagyny üçünji gezek goramagy başardy.
Jeksonwilde (Florida, ABŞ) geçirilen UFC 273-iň baş söweşi dördünji raundda tehniki nokaut bilen tamamlandy. MMA-daky professional duşuşyklarynda 33 ýaşly awstraliýaly söweşiji 24-nji ýeňşini gazandy. Ol bary-ýogy bir gezek ýeňildi. Günorta koreýaly söweşijide bolsa ýedi ýeňliş bilen 17 ýeňiş bar.