Russiýanyň Prezidenti Wladimir Putin Russiýa Federasiýasynyň Türkmenistandaky ilçisi Iwan Wolynkini Şöhrat ordeni bilen sylaglamak hakyndaky karara gol çekdi. Degişli resminama Russiýa Federasiýasynyň hukuk namalarynyň resmi portalynda ýerleşdirildi.
Resminamada diplomatyň Russiýa Federasiýasynyň diplomatik gullugynyň düzüminde ýurduň daşary syýasatyny durmuşa geçirmäge köp ýyllyk we saldamly goşant goşandygy üçin sylaglanandygy bellenilýär.
Ýeri gelende ýatlatsak, Iwan Kirillowiç Wolynkin 2023-nji ýylyň aprelinde Russiýa Federasiýasynyň Türkmenistandaky Adatdan daşary we Doly ygtyýarly ilçisi wezipesine bellenilipdi.