13-nji maýda geçen Ministrler Kabinetiniň mejlisinde wise-premýerler “2019-2025-nji ýyllarda Türkmenistanda sanlaşdyrma ykdysadyýeti ösdürmek barada konsepsiýanyň” we “2021-2025-nji ýyllarda Türkmenistanda sanlaşdyrma ykdysadyýeti ösdürmek boýunça döwlet maksatnamanyň” durmuşa geçirilişi bilen ilteşikli hasabat berdiler.
Bu barada TDH döwlet täzelikler gullugy maglumat berýär.
Ulag we aragatnaşyk boýunça edaranyň baş ýolbaşçysy Mämmethan Çakyýewiň habaryna görä, konsepsiýa üç etapda durmuşa geçirilýär.“Türkmenaragatnaşygyň” ýolbaşçylygyndaky ilkinji etapda sanlaşdyrmak ykdysadyýeti ösdürmek babatda hökümetara topar döredildi. Çakyýew kanunlar ösdürilýär we edara internet saýtyny döredýär diýdi.
2020-2023-nji ýyllardaky ikinji etapda maglumat tehnologiýany ornaşdyrmak we maglumat howpsuzlygyny üpjün etmekden ybarat. Eýýäm, Bütewi döwlet hyzmatlarynyň saýty döredildi, onda “onlaýn tölegleriinň we hyzmatlarynyň dürli görnüşlerine” salgylanylýar. Şonuň ýalyda, bu etapda “Elektron hökümet” hem işläp başlamaly.
2024-2025-nji ýyllardaky üçünji etapda ykdysadyýetiň döwrebaplaşdyrylmagy we oňa sanly tehnologiýalaryň ornaşdyrylmagy dowam etdiriler: bütewi maglumat merkezi dörediler.
Mundan soňra emeldar “Aragatnaşyk ýollaryny goramak kadalary barasynda” kararyň taslamasyny hödürledi we ony prezident Serdar Berdimuhamedow tassyklady.
Şeýlede Çakyýew Ministrler Kabientiniň ýanynda maglumat düýp gurluş desgalarynyň möhümdiginiň derejesini seljermek barada hökümetara merkezi döretmegi hem teklip etdi. Kiçi Berdimuhamedow teklibi goldady we maglumatlary ýetirmek ulgamyny, aragatnaşyk düýp gurluşlaryny döwlebaplaşdyrmagyň möhümdigini belledi.
_______________________________
Soňra ykdysady, maliýe we halkara maliýe gurluşlary boýunça wise-premýer Muhammetguly Muhammedow, nebit-gaz pudagyna gözegçilik edýän wise-premýer Şahym Awdyrahmanow, gurluşyk, senagat we energiýa toplumy boýunça wise-premýer Çarymyrat Pürçekow, söwda boýunça wise-premýer Çary Gylyjow, ylym, bilim, saglyk we sport boýunça wise-premýer Sapardurdy Toýlyýew, DIM Raşid Meredow hem öz ýolbaşçylyk edýän pudaklarynda, ministrliginde sanlaşdyrma konsepsiýanyň, maksatnamanyň durmuşa geçirilişi bilen bagly prezidente hasabat berdiler.
Bu hasabatlardan soňra kiçi Berdimuhamedow sanlaşdyrma babatda hökümetiň işinden närzadygyny aýdyp, ýurtda işleriň bolmaly derejesinde däldigini tekrarlady.
Sanly ulgamy durmuşa ornaşdyrmaga gözegçilik edýän Mämmethan Çakyýew käýinç aldy.The post Wise-premýerler sanlaşdyrma barasynda Serdar Berdimuhamedowa habasat berdiler, ol närza galdy we kaýinç yglan etdi first appeared on Türkmenistanyň Hronikasy.