Ýurduň meşhur E-söwda kärhanasy Wildberriesiň Russiýanyň paýtagty Moskwa şäherindäki esasy ofisinde ýaragly çaknyşyk boldy.
Çaknyşykda 2 adam ýogaldy, 2 adam ýaralandy.
Waka bilen baglanşykly 28 adam göz tussaglygyna alyndy.
E-söwda kärhanasy Wildberriesiň esaslandyryjysy Tatýana Bakalçuk çaknyşygyň bolan mahaly Telegram hasabyndan beren beýanatynda, ozalky ýoldaşy Wladislaw Bakalçukyň ýolbaşçylyk etmegindäki toparyň ofisi ele geçirmäge synanyşandygyny belläp: "Polisiýa gullugynyň ýagdaýy gözegçilik astyna almagyny talap edýärin" diýip belledi.
Wildberries iýun aýynda täze sanly söwda platformasyny döretmek üçin "Rus" reklama kärhanasy bilen birleşjekdigini habar beripdi. E-söwda kärhanasy Wildberriesiň esaslandyryjysy Tatýana Bakalçukyň ozalky ýoldaşy Wladislaw Bakalçuk bolsa oňa garşy bolupdy.
Iýul aýynda Tatýana Bakalçuk Wildberriesiň 1 göterimine eýe bolan ýoldaşy bilen aýrylyşmak üçin kazyýete ýüz tutupdy.