Wengiýanyň Premýer-ministri Wiktor Orban, Türkiýe we Prezident Erdogan hakynda öwgüli sözler aýtdy.
ABŞ-da geçirilýän NATO agza ýurtlaryň liderler sammitine gatnaşmak üçin Waşigtona giden Orban, Prezident R. T. Erdogan bilen bolan duşuşygy hakynda beýannama berdi.
Wiktor Orban, Türkiýäniň Ukrainada parahatçylygyň ýola goýulmagy üçin esasy aktýordygyny subut edendigini, Prezident Erdoganyň, Russiýa we Ukraina bilen ylalaşyk gazanyp bilýän ýeke-täk döwlet ýolbaşçysydygyny aýtdy.
Orban, ýurdunyň ÝB-niň döwürleýin ýolbaşçylygyny öz üstüne almagynyň yzy ýanyndan ilki Ukraina, soň bolsa Russiýa we Hytaýa sapar gurandygyny ýatlatdy.
Wiktor Orban, Erdogan bilen bolan duşuşygynda, Ukraina söweşinde ýetilen sepgidiň ara alnyp maslahatlaşylandygyny nygtady.
Orban “Prezident Erdogandan alyp barýan parahatçylyk syýasatymyza goldaw bermegini isledim” diýdi.