ABŞ-nyň täjirçilik maksatly bolmadyk “Wikimedia” gaznasy tarapyndan 2024-nji ýylyň 11 aýynda iňlis dilindäki “Wikipediada” iň meşhur makalalaryň sanawyny hödürlendi.Sanawda iň köp görlen makalalar orun aldy. 44,4 million gezek görlen “2024-nji ýyldaky ölümler” sahypasy öňdäki orny eýeledi.
Demokratik partiýa tarapyndan hödürlenen ABŞ-nyň prezidentligine dalaşgär Kamala Harris baradaky makalalar ikinji orny eýeledi.Internet ulanyjylar Harris bilen 28,9 million gezek gyzyklanypdyrlar.Onuň bäsdeşi respublikaçy Donald Tramp “Wikipedianyň” sanawynda ondan asgyn gelip, ol baradaky makalalar 25,2 million gezek okalyp, bäşinji orna düşdi. Üçlügi ABŞ-nyň Prezident saýlawlaryna bagyşlanan sahypa emele getirip, 27,9 million gezek görlüpdir.
Mundan başga-da, onluga syýasat, medeniýet we sport bilen baglanyşykly temalar goşulyp, doly sanaw şeýle tertipde goýlupdyr: “2024-nji ýyldaky ölümler” 44,4 million gezek, Kamala Harris 28,9 million gezek, ABŞ-daky Prezident saýlawlary (2024) 27,9 million gezek, Doganlar Menendes 26,1 million gezek, Donald Tramp 25,2 million gezek, Futbol boýunça Hindistanyň çempionaty 24,5 million gezek, Jeý Wens 23,3 million gezek, “Dedpul we Rosomaha” 22,3 million gezek, “Taslama 2025” 19,7 million gezek, Hindistanda parlament saýlawlary (2024) 18,1 million gezek görlüpdir. /* custom css */ .td_uid_15_6756de12baaf6_rand.td-a-rec-img { text-align: left; } .td_uid_15_6756de12baaf6_rand.td-a-rec-img img { margin: 0 auto 0 0; }