Formula 1 boýunça möwsümiň 7-nji ýaryşy Kanadada geçirilip, ilkinji hatardan bat alan germaniýaly Sebastian Wettel ýeňiji boldy. “Ferrari” toparynyň sürüjisi 70 aýlawy 1 sagat 28 minut 31,377 sekuntda tamamlap, şu ýylky 3-nji, karýerasyndaky 50-nji ýeňşini gazandy.
Bu ýeňiş “Ferrari” topary 2004-nji ýyldan soň, Kanadada ilkinji ýeňşidir.Wettelden 7,3 sekunt yza galan finlýandiýaly Waltteri Bottas (“Mercedes”) 2-nji, 8,3 sekunt az netije görkezen gollandiýaly Maks Werstappen (“Red Bull”) 3-nji ýeri eýeledi.
Bu ýaryşdan soň, utugyny 121-e ýetiren Wettel umumy sanawda-da 1-nji basgançaga beýgeldi.Kanada “Gran Prisinde” 4-nji orny eýelän Lewis Hamiltonyň (“Mercedes”) 120 utuk bilen 2-nji orunda barýar.
Kanada “Gran Prisinden” soň, 3-nji orna çykan Waltteri Bottasyň 86, 4-nji ýerdäki awstraliýaly Daniel Rikkiardonyň (“Red Bull”) 84 utugy bar.Möwsümiň 8-nji ýaryşy 24-nji iýunda Fransiýada geçiriler.