Londonyň “West Ham” topary Germaniýanyň “Borussiýa Dortmund” klubunyň hüjümçisi Niklas Füllkrugy düzümine goşdy. Iňlis topary 31 ýaşyndaky germaniýaly hüjümçiniň transferi üçin dortmundlylara 26+4 million ýewro berer. Şertnamanyň möhleti 3+1 ýyllyk bolup, oýunçy klubdan ýylda 3 million ýewro hak alar. Füllkrug geçen möwsümde “Bundesligada” 29 oýunda 12 gol geçirdi.
Füllkrug “Borussiýa Dortmunddan” öň “Werder”, “Hannower”, “Nürnberg”, “Groýter Fürt” ýaly klublaryň köýnekçesini geýdi. Ol 2011-nji ýylda “Werder” toparyna professional futbola başlapdy. Seru Girassiniň transfer edilmeginden soň Füllkrug “Borussiýa Dortmund” toparyndan gitmek isleýändigini aýdypdy we onuň birnäçe klub gyzyklanypdy. Ol ahyrynda-da “West Ham” topary bilen ylalaşdy.