Türkmenistanyň B.Amanow adyndaky döwlet çagalar kitaphanasy ýaňy-ýakynda “Aşgabat” seýilgähinde Çagalary goramagyň halkara güni mynasybetli “Watanyň geljegi bagtyýar nesil” ady bilen baýramçylyk dabarasyny geçirdi.Dabara dürli ýaşdaky çagajyklar gatnaşdy.
Dabaranyň dowamynda kitaphananyň hünärmenleri çagalar bilen bilelikde dürli pikirli hem-de hereketli oýunlary oýnadylar, seýilgähe gezelenç etdiler, çagajyklar dürli suratlary çekdiler, ajaýyp zamanamyzy wasp edýän goşgulary aýtdylar.Göçme kitap sergimizde ýerleşdirilen birnäçe ertekileri uly gyzyklanma bilen okadylar. Şeýle-de kitaphanamyzyň Kärdeşler Arkalaşygynyň ilkinji guramasy tarapyndan taýýarlanan sowgatlar çagalara gowşuryldy.
Dabaranyň ahyrynda ýaş nesilleriň erkana ulalmagy, ylymly-bilimli, sagdyn, berk bedenli bolmagy üçin giň mümkinçilikleri döredip berýän Gahryman Arkadagymyza alkyş sözleri beýan edildi.