1-nji sentýabrda Gerbert Diss Volkswagen AG nemes öndürijisiniň dolandyryjylarynyň maslahatynyň başlygy wezipesinden gider diýip, kompaniýanyň metbugat relizinde aýdylýar.
Porsche-niň bölümçesinde edil şonuň ýaly wezipäni eýeleýän Oliwer Blum täze ýolbaşçy bolar.Blum Volkswagen-de 1994-nji ýyldan bäri işleýär.Mundan hem başga, Volkswagen-iň baş maliýe direktory Arno Antlis kompaniýanyň baş operasion direktorynyň wezipesini hem utgaşykly alyp barar.
Diss Volkswagen toparyna 2018-nji ýylda baştutanlyk etdi, ol ondan öň adybir brendiň ýolbaşçysydy.Anna güni Volkswagen-niň paýnamalary 1,2% arzanlady, emma kompaniýanyň ýolbaşçysynyň çalyşýandygy baradaky habar Frankfurtdaky birža ýapylandan soň mälim edilipdi. Ýylyň başyndan bäri kompaniýanyň kapitallaşdyrylmasy 24%, 84 mlrd ýewro çenli gysgaldy.