Abdulkadir Uralogly beren ýazmaça beýanatynda, dizaýn tizligi sagatda 176 km bolan Milli elektrik tokly ýokary tizlikli otly toplumynyň halkara ülňülerde we diňe Türkiyede däl, eýsem başga ýurtlarda hem ulanmak üçin öndürilýändigini mälim etdi.
Ýewropa Bileleşiginiň demir ýollarynda bilelikdäki hereket şahadatnamasyna eýe bolan toplumyň zerurlyga görä sebitleýin we şäherara işlemek maksady bilen 3, 4, 5 ýa-da 6 sany ulaga eýe boljak görnüşde öndürilýändigini aýdan Abdulkadir Uralogly, 5 blokdan ybarat her blogyň 324 ýolagça niýetlenjekdigini aýan etdi.
Abdulkadir Uralogly ýük daşamakda iň köp isleg bildirilýän wagonlaryň biri bolan milli ýük wagonlarynyň bolsa Ýewropada öz synpyna görä iň ýeňil we iň köp ýük daşaýan wagondygyny beýan etdi.
Abdulkadir Uralogly sagatda 225 km tizlige eýe boljak we 8 blokdan ybarat boljak görnüşde öndüriljek Milli elektrik tokly ýokary tizlikli otlynyň dizaýn işleriniň final tapgyryndadyklaryny habar berdi.
584 ýolagça niýetlenen otly dizaýnynyň 90 göteriminiň tamamlanyp, prototip önümçilik tapgyryny hem başladandyklaryny aýdna Uralogly: "Ilkinji prototip gurnamasyny 2024-nji ýylyň ahyrynda tamamlarys we Milli elektrik tokly ýokary tizlikli otlymyzy 2025-nji ýylda relsleriň üstünde göreris" diýip mälim etdi.