Ukrainaly ýarymgoragçy Ýewgeniý Konoplýanka erkin agent ýagdaýynda Rumyniýanyň “ÇFR Kluž” toparynyň düzümine goşuldy. Geçen möwsümi Polşanyň “Krakowiýa” klubunda geçiren 32 ýaşyndaky oýunda täze kluby bilen 2 ýyllyk şertnama baglaşdy. Konoplýanka karýerasy boýunça “Dnepr”, “Şahtýor”, “Sewilýa” hem-de “Şalke” klublarynyň köýnekçelerini geýipdi.
Ispaniýanyň “Žirona” kluby “Dnepr” toparynyň ýyldyzy Artem Dowbygy 7 million ýewro transfer etdi. 26 ýaşyndaky hüjümçi katalon kluby bilen 5 ýyllyk şertnama baglaşdy. Dowbyk şu wagta çenli klublarda 193 oýunda 78 gol geçirip, 17 goluň pasyny berdi.