Russiýanyň Goranmak ministrligiň metbugat geňeşçisi Igor Konaşenkow, Ukrainada uçarmansyz howa ulaglarynyň önümçilik merkezini nyşana alandyklaryny mälim etdi.
Konaşenkow, 24-nji fewraldan bäri dowam edýän söweşde rus goşunlarynyň ýeten sepgidi hakynda maglumat berdi.
Rus ýaragly güýçleriniň 31-nji dekabrda Ukrainanyň goranyş senagatyna degişli desgalary nyşana alandygyny nygtan Konaşenkow, şol desgalaryň hatarynda uçarmansyz howa ulaglarynyň önümçilik merkeziniň hem bardygyny belledi.
Konaşenkow “Hüjümler maksadyna ýetdi. Ukrain hökümetiniň ýakyn geljekde Russiýa garşy hüjüm guramak meýilnamasy bozuldy” diýdi.
Ukrainadaky operasiýalarynyň dowam edýändigini aýdan Konaşenkow, “Ukrainada şu günki güne çenli 355 uçar, 199 dikuçar, 2 müň 779 sany uçarmansyz howa ulagy, 399 sany howa goranyş ulgamy, 7 müň 350 tanky we sowutly ulag, 957 raketa bilen 7 müň 859 ulag hatardan çykaryldy” diýip belledi.