Ugandanyň isaýy jemagatlarynyň biriniň ýüzden gowrak wekili bir ýere jemlenip, üç sagatdan gowrak wagt el çarpdylar. Olar el çarpmagyň öňki rekordyny täzelediler diýip, MIR 24 ýazýar.
Çäre Ugandanyň paýtagty Kampaledäki giň zallaryň birinde geçdi, oňa Isa el çarpyň diýlip at berildi. Rekorda 962 adam gatnaşyp, 3 sagat 16 minutlap el çarpyp durdular.
Ginnesiň rekordlar kitabynyň şertlerine laýyklykda, olar sesiň ortaça derejesini 88,5 desibelde saklamalydy, tutuş çäräniň dowamynda dereje 80 desibelden aşak düşmeli däldi. Her bir gatnaşyjy yzyny kesmän el çarpmalydy. Kim säginse, ony topardan çykardylar. Suw içesi gelene çüýşede getirip berdiler.
Öňki rekord 2 sagat 15 minutdan ybaratdy.