Şenbe güni, 26-njy oktýabrda, Abu-Dabide geçirilen UFC 308 turnirinde ýeňilmedik çeçen söweşijisi Hamzat Çimaýew (14-0) UFC-niň orta agramdaky öňki çempiony Robert Uittakeri (25-7) täsirli ýeňdi.
Çimaýew söweşiň ilkinji sekuntlaryndan başlap agdyklyk etdi we birinji raundda bogundan gysyp söweşi tamamlady. Bu 29 ýaşly söweşçiniň professional karýerasynda on birinji wagtyndan öň ýeňşi bolup, ol çempionlyk söweşine tarap ynam bilen öňe barýar.
"Borz" ýene-de göreşde özüniň artykmaçlygyny we söweşleri wagtyndan öň tamamlamak ukybyny görkezdi. 2018-nji ýylda UFC-de debýut edeninden bäri Çimaýew ýeňilmedik bolup galýar, bu hem ony orta agramda çempionlyk ugrunda geljekli dalaşgärleriň birine öwürýär.