Bije çekiliş dabarasynyň dowamynda UEFA-da ýylyň tapawutlanan futbolçylary-da
saýlanyp, ýylyň iň gowy oýunçysy diýlip, “Bawariýanyň” polşaly hüjümçisi Robert Lewandowski yglan edildi. Ol mundan
başga-da ýylyň hüjümçisi baýragyna-da laýyk görüldi. “Bawariýa” toparynyň beýleki futbolçylary Manuel Noýer ýylyň derwezeçisi, Joşua Kimmih ýylyň goragçysy diýlip
saýlandy. “Mançester
Sitiniň”
belgiýaly ýyldyzy Kewin
de Bruýne ýylyň ýarymgoragçysy baýragy bilen sylaglandy. “Bawariýa” toparyna şu möwsümde 5 kubok
gazandyran Hans-Diter Flik bolsa, ýylyň tälimçisi diýlip
saýlandy.
Ozalky futbolçylardan Didie Drogbanyň UEFA-nyň Prezidentiniň baýragyna mynasyp bolan dabarasynda zenan futbolynyň-da
tapawutlananlary mälim edildi. Zenanlaryň arasynda geçen möwsümde “Wolfsburgda” oýnan, häzirki wagtda “Çelsiniň” oýunçysy Pernil Harder ýylyň futbolçysy diýlip saýlandy. Ol ýylyň
hüjümçisi baýragyna hem laýyk görüldi. Sarah Buhaddi ýylyň derwezeçisi, Wendi Renar ýylyň goragçysy, Jennifer Marožan bolsa ýylyň ýarymgoragçysy diýlen ugurlarda tapawutlandy. Ýylyň tälimçisi
diýlip, “Lion” toparynyň baş tälimçisi Žan-Luk Wassur saýlandy.