UEFA Çempionlar ligasynyň final duşuşygynda Angliýanyň Premýer ligasynyň wekili Liwerpul komandasy bilen Ispaniýanyň La Liga ligasynyň wekili Real Madrid komandasy Fransiýanyň paýtagty Pariž şäherindäki Stad de Frans stadionynda oýnadylar.
Baş emin agzasy Klement Turpin bolan duşuşyk, käbir janköýerleriň stadiona girip bilmezligi sebäpli yza süýşürildi we duşuşyk Türkiýäniň wagty bilen 22:36-da başlady.
Iki tejribeli toparyň oýnan duşuşygyň ilkinji ýarymynda gol geçirilmedi.
59-njy minutda Real Madrid komandasynyň futbolçylary hüjüme geçip, futbolçylardan Karwahal, meýdançanyň sag tarapyndan pökgini derwezä tarap geçirdi. Derwezäniň ýanynda boş duran Winisius Junior bolsa, pökgini derwezä geçirip toparyny 1-0 hasabynda öňe geçirdi.
Duşuşugyň galan bölüminde bolsa Liwerpul komandasynyň geçirmek islän ençeme pökgüsini Real Madrid toparynyň derwezeçisi Tibo Kurtua, Angliýanyň wekiliniň hasaby deňleşdirmegine rugsat bermedi we Ispaniýanyň wekili Real Madrid 1-0 hasabynda çempion boldy.
Real Madrid bu çempionlygy bilen birlikde 14-nji gezek Ýewropanyň iň uly kubogyny muzeýine alyp gitdi.