21 ýyldan soň ilkinji gezek“A” toparçada PSŽ bu kubogy iň köp eýelän “Real Madridi” 30 hasabynda ýeňlişe sezewar etdi.Gollaryň 2-sini “Realyň” ozalky oýunçysy Anhel Di Mariýa, beýlekisini-de Moýner derwezä girizdi.
Fransuz kluby “Real Madridi” 1998-nji ýyldan bäri ilkinji gezek ýeňdi. “Realyň” 578 oýundan soň, derwezä tarap ýeke urgusy hem dürs bolmady. “Klub Brýugge” bilen “Galatasaraýyň” arasyndaky duşuşykda-da hasap açylmady.
Futbol janköýerleriniň iň söýgüli ýaryşy bolan UEFA Çempionlar ligasynda täze möwsümiň ilkinji duşuşyklary oýnaldy.Toparçalardaky oýnalan 16 duşuşykda 45 gol hasaba alyndy. 6 duşuşykda ýer eýeleri, 4 oýunda-da myhmanlar ýeňiş gazandy.
Deňlikde tamamlanan 6 duşuşygyň 2-sinden gol sesi eşidilmedi. 4 klub bilen wekilçilik edýän ligalardan diňe “Bundesliganyň” 2 topary ýeňiş gazandy. Ýagny Italiýanyň, Angliýanyň hem-de Ispaniýanyň 4 klubunyň diňe birisi ýeňiş gazandy.
Diňe nemes klublarynda bu görkeziji 2-ä deň boldy.Çempion ýeňliş bilen başlady“E” toparçada soňky çempion “Liwerpul” myhmançylykda “Napoliden” 20 asgyn gelip, täze möwsüme ýeňliş bilen başlady.
Italýan toparynyň gollaryny 82-nji minutda penaltiden Dris Mertens bilen 90+2-nji minutda Fernando Llorente derwezä girizdi. 24 ýyldan soň, 2-nji gezek Çempionlar ligasynda çykyş etmäge hukuk gazanan “RB Salsburg” topary Belgiýanyň “Genk” klubundan 62 üstün çykdy.
Duşuşykda 19 ýaşly norwegiýaly hüjümçi Erling Haland 1-nji ýarymda het-trik etdi.Ol Çempionlar ligasyndaky ilkinji oýnunda het-trik eden 8-nji oýunçy boldy.Üstünligi saklamak başartmady“B” toparçada “Bawariýa” serbleriň “Srwena Zwezda” toparynyň torundan jogapsyz 3 pökgi geçirdi.
Oýunda Koman, Lewandowski hem-de Müller tapawutlandy. “Olimpiakos”“Tottenham” duşuşygynda iňlis kluby 20 öňe saýlansa-da, grek topary hasaby deňlemegi başardy. “C” toparçada ýeňiş gazanan toparlar aňsatlyk bilen garşydaşlaryndan üstün çykmagyň hötdesinden geldi. “Mançester Siti” myhmançylykda “Şahtýory” Mahrez, Ilkaý hem-de Gabriel Žesusyň gollary bilen 30 ýeňdi.
Mislaw Orşiçiň het-trik eden oýnunda Zagrebiň “Dinamosy” ýaryşyň debýutanty “Atalanta” toparyndan 40 üstün çykdy. “D” toparçada tapgyryň esasy üns merkezdäki oýunlarynyň birinde “Atletiko” bilen “Ýuwentus” duşuşyp, oýunda taraplar 1 utuk bilen kanagatlanmaly boldular.
Myhmanlar 2-nji ýarymyň başlarynda Kuadrado we Matuidiniň gollary bilen öňe saýlandy.Emma soňky 20 minutda olara bu üstünligini saklamak başartmady. 70-nji minutda Sawiç, 90-njy minutda-da Herrera tapawutlanyp, toparyny ýeňlişden halas etdiler.
Russiýanyň wise-çempiony “Lokomotiw” täze möwsüme ýeňiş bilen başlady.Onda-da myhmançylykda ýeňiş gazanan moskwalylar “Baýeri” Kryhowiak hem-de Barinowyň gollary bilen 21 hasabynda utdy.Soňky minutlarda hasaby deňlediGüýçli klublary özünde jemleýän “F” toparçadaky 1-nji oýunlarda ýeňiş gazanan bolmady. “Borussiýa Dortmund”“Barselona” duşuşygy golsuz tamamlandy.
Duşuşykda ýer eýelerinden Marko Roýsuň penalti urgusyny derwez eçi Ter Ştegen sowmagy başardy. “Inter” öz meýdançasynda Praganyň “Slawiýasyny” kabul edip, soňky minutlarda ýeňlişden halas boldy.Nigeriýaly Peter Olaýinkanyň 63-nji minutdaky goluna “interliler” 90+2-nji minutda Nikola Barela bilen jogap berdi.
Deňeçerräk toparlaryň çykyş edýän “G” toparçada “Zenit” myhmançylykda “Lion” bilen 11 deňme-deň oýnady. 41-nji minutda Serdar Azmunyň goly bilen öňe çykan “Zenitiň” derwezesinden deňlik pökgüsini 51-nji minutda penaltiden Memfis Depaý geçirdi.
Nemes kluby “Leipsigiň” myhmançylykda “Benfikany” Werneriň gollary bilen 21 hasabynda ýeňmegi tapgyryň garaşylmadyk netijeleriniň biri boldy. “H” toparçada öz meýdançasynda “Lill” toparyny 30 hasabynda ýeňen “Aýaks” geçen möwsümdäki başarnygynyň tötänlik däldigini görkezdi.
Golland toparynyň gollaryny Promes, Alwares hem-de Tagliafiko derwezä girizdi. “Çelsi” öz meýdançasynda “Walensiýadan” Rodrigonyň 74-nji minutdaky goly esasynda 10 asgyn gelip, täze möwsüme şowsuz başlady. “Walensiýadan” ilkinji gezek utulan “Çelsiniň” ýarymgoragçysy Ross Barkliniň oýnuň 87-nji minutynda ýerine ýetiren penalti urgusynda top ýokarky sütüne degip, meýdançanyň daşyna çykdy.Toparçalardaky indiki oýunlar 1—2-nji oktýabrda oýnalar.