Gazagystanyň Aktau şäheriniň golaýynda heläkçilige uçran Azerbaýjanyň howa ýollaryna degişli ýolagçy uçaryndan 32 ýolagçynyň halas edilendigi nygtaldy.
Bakudaky halkara Haýdar Aliýew howa menzilinde Aktau şäheriniň golaýynda bolan uçar heläkçiligi hakynda metbugata beýannama berildi.
Baku-Grozniý saparyny amala aşyrýan ýolagçy uçarynyň guş sürüsine kakandygy, heläkçilige uçramazdan öň ümür sebäpli Russiýanyň Dagystan sebitiniň Mahaçgala şäherine gönükdirlendigi nygtaldy.
AZAL howa ýollarynyň metbugat geňeşçisi Ferid Hüseýnow, uçarda 5 adamlyk ekipaž we 62 ýolagçy bilen jemi 67 adamyň bardygyny nygtady.
Hüseýnow, ýolagçylardan 37-niň Azerbaýjanyň, 16-synyň Russiýanyň, 6-nyň Gazagystanyň we 3-niň Gyrgyzstanyň raýatydygyny ýatlatdy.
Beýannamada ilkinji kesgitlemelere görä heläkçilikden 32 adamyň halas bolandygy we bejergi alýandygy nygtaldy.
Beýleki tarapdan Azerbaýjanda Prezident Ilham Aliýewiň uçar heläkçiliginde köp sanly adamyň ýogalmagy we ýaralanmagy sebäpli şu gün 1 günlük milli ýasyň yglan edilmegi boýuna karar kabul edendigi bellenildi.