Aşgabadyň Köpetdag futbol topary ýaryş tertibindäki goňşusy Energetigi minimal hasapda ýeňip, bäşinji orna ýakynlaşdy. Çempionatyň 25-nji tapgyrynyň çägindäki duşuşyk Aşgabat şäherinde geçirilip, ol mundan birnäçe minut ozal Köpetdagyň 2:1 hasabyndaky ýeňşi bilen tamamlandy.
Janköýeriň onlaýn tablosynda görkezilýän maglumata görä, duşuşykda ýeňiji toparyň gollaryny 38-nji we 75-nji minutlarda Şamämmet Hydyrow geçirdi. "Energetik" bolsa bu gollara 85-nji minutda Guwanç Berdimyradow bilen bir gezek jogap berip bildi. Bu ýeňiş altynjy basgançakdaky Köpetdagyň utugyny 28-e çykardy. Edil Köpetdag ýaly 23 duşuşyk geçiren, ýöne 17 utuk toplap bilen Energetik ýedinji orunda galdy.
Tapgyrda Arkadag toparynyň hem Ahaly 2:1 hasabynda ýeňendigini ýatladýarys.