Arkadag şäheriniň adybir futbol topary Türkmenistanyň çempionatynyň ikinji aýlawyna hem ýeňiş bilen başlady. Şu gün paýtagtdaky Nusaý stadionynda Köpetdagy kabul eden Arkadag topary 3:2 hasabynda ýeňiş gazandy.
Bäş golly duşuşykda ilkinji pökgini 22-nji minutda Arkadag toparynyň futbolçysy Şanazar Tirkişow geçirdi. 49-njy minutda 11 metrlik jerime urgusyndan dürs peýdalanan Begmyrat Baýow ýer eýelerini 2:0 hasabynda öňe çykardy.
Duşuşygyň soňky üç goly üçin bolsa toparlara bary-ýogy dört minut gerek boldy. 80-nji minutda Aly Zülfakaryň geçiren goly bilen Köpetdag arany bir gola çenli ýygran hem bolsa, 82-nji minutda Arkadag üçünji goluny hem geçirdi.
Bu gezek Meýlis Durdyýew tapawutlandy.Köpetdag bolsa bu gola 83-nji minutda ýene bir gol bilen jogap berdi. Ýöne şol minutda Döwletmyrat Seýitmuhammedowyň geçiren golundan soň Köpetdagyň futbolçylaryna hasaby deňlemek başartmady.
Bu duşuşykdan soň utugyny 27-ä çykaran Arkadag futbol topary ikinji orundaky Nebitçi bilen 5 utuklyk aralygy gorady. 17 utukly Köpetdag bolsa bassyr ikinji utulyşyndan soň dördünji basgançakda galdy.
Türkmenistanyň futbol çempionaty - 2023. 12-nji tapgyr.
12.08.2023 ý. "Nusaý" stadiony (Aşgabat)
Arkadag Köpetdag 3:2
Gollar: 22 Şanazar Tirkişow, 49 (11 m.j.u.) Begmyrat Baýow, 82 Meýlis Durdyýew 80 Aly Zülfakar, 83 Döwletmyrat Seýitmuhammedow.