Aşgabadyň Altyn asyr futbol topary 14-nji tapgyrdaky paýtagt derbisinde Köpetdagy uly hasap bilen ýeňdi. Büzmeýindäki Sport toplumynda geçirilen duşuşyk aragatnaşykçylaryň 6:1 hasabyndaky ýeňşi bilen tamamlandy.
Rahman Myratberdiýewiň het-trik eden duşuşygynda Altyn asyryň beýleki gollaryny Zafar Babajanow, Wahyt Orazsähedow we Arslan Saparow dagylar geçirdi. Köpetdagdan bolsa Şamämmet Hydyrow tapawutlandy.
Bu duşuşykdan soň utugyny 23-e çykaran Altyn asyr ýaryş tertibinde ýene-de ikinji orna göterildi. Eger bu gün Nebitçi myhmançylykda Energetigi ýeňip bilmese, aragatnaşykçylar 14-nji tapgyry ikinji orunda tamamlarlar. 17 utukly Köpetdag bolsa dördünji orunda galdy.
Altyn asyr Köpetdag 6:1
Gollar: 17 Zafar Babajanow, 25, 38, 66 Rahman Myratberdiýew, 85 Wahyt Orazsähedow, 89 Arslan Saparow 60 Şamämmet Hydyrow.