Marynyň Energetik futbol topary Türkmenistanyň çempionatynyň şu möwsümindäki ilkinji ýeňşini 4-nji tapgyrda gazandy. Topar düýn Aşgabady kabul edip, 1:0 hasabynda üstün çykdy.
Mary şäherindäki Energetik stadionynda geçirilen duşuşykdaky ýeke-täk pökginiň awtory Suražiddin Jumanyýazowdyr. Ol duşuşygyň 51-nji minudynda tapawutlandy.
Şeýlelikde, utugyny 3-e çykaran Energetik ýaryş tertibiniň 7-nji basgançagyna geçdi. Möwsümdäki dört duşuşygynyň ählisinde-de garşydaşlaryndan asgyn gelen Aşgabat bolsa iň soňky orunda barýar.
5-nji tapgyrda Energetik Şagadamyň myhmany bolar, Aşgabat bolsa Balkanabadyň Nebitçi futbol toparyny kabul eder.