Begenç Akmämmedow gaýtadan döredilen Köpetdagyň düzüminde Ýokary ligada 20 pökgi geçiren ilkinji futbolçy boldy. Onuň bu pökgüleriň 12-sini şu möwsümde geçirendigini ýatladýarys.
Futbolçy Türkmenistanyň Içeri işler ministrliginiň toparynda bu üstünlige bary-ýogy iki möwsümde ýetip bildi. Häziri wagtda onuň Ahaldan Didar Durdyýew bilen möwsümiň iň netijeli futbolçysy bolmak ugrunda bäsleşýändigini ýatladýarys.
Köpetdagda indi 20 golluk netijä iň ýakyn futbolçy Ýazgylyç Gurbanowdyr. Ol topar bilen Ýokary ligada 19 gezek gol geçirdi. Üçünji orny bolsa 17 golly Öwezbaý Muhammetmyradow eýeleýär.