Şagadam futbol topary Türkmenistanyň çempionatynyň 1-nji tapgyrynda Merwi 4:2 hasabynda ýeňdi. Derwezelere 6 pökgi geçirilen bu duşuşyk Türkmenbaşy şäherindäki Şagadam stadionynda boldy.
Duşuşykda ýer eýeleriniň pökgülerini Yhlas Magtymow (13’, 90+5’), Farhat Italmazow (82’) we Hemra Amanmämmedow (90+2’) geçirdi. Duşuşygyň esasy wagty tamamlanýança deňligi saklap, goşmaça minutlarda derwezesinde iki pökgi gören Merwde bolsa 6-njy minutda Begenç Alamow bilen 27-nji minutda Pirmyrat Gazakow tapawutlandy.
Möwsüme ýeňiş bilen başlan Şagadam 3 utuk bilen ýaryş tertibiniň üçünji basgançagynda ýerleşdi. Türkmenbaşy şäheriniň topary indiki duşuşygyny myhmançylykda Nebitçi bilen, Merw bolsa öz meýdanynda Köpetdag bilen geçirer.
Şagadam Merw 4:2
Gollar: 14, 90+5 Yhlas Magtymow, 82 Farhad Italmazow, 90+2 Hemra Amanmämmedow (Şagadam) 6 Begenç Alamow, 27 Pirmyrat Gazakow (Merw)
Duýduryşlar: 60 Farhad Italmazow, 66 Hydyr Ýakubow, 79 Aşyrgeldi Saryýew (Şagadam) 35 Pirmyrat Gazakow, 55 Serdaraly Ataýew, 64 Toýly Goçnazarow, 75 Azat Orazmuhammedow (Merw)
Geçirilen ýeri: Şagadam stadiony (Türkmenbaşy ş.)
Duşuşygyň emini: B.Haknazarow (Aşgabat ş.)
Kömekçi eminler: P.Pälwanow (Daşoguz ş.), B.Atdyýew (Tejen ş.)
Ätiýaçdaky emin: S.Gurbanow (Balkanabat ş.)
Gözegçi emin: E.Ramazanow (Aşgabat ş.).