Tapgyryň umumy aýratynlyklary:
Üç duşuşykda 11 pökgi: Tapgyrda derwezelere häzire çenli 11 pökgi geçirildi. Tapgyryň senesi başga güne geçirilen duşuşygynyň hem bardygyny ýatladýarys.
Möwsümde 17 gol: Bu tapgyrdan soň möwsümde geçirilen gollaryň sany 17-ä ýetdi
14 golçy: Möwsümde tapawutlanan futbolçylaryň sany 14-e çykdy.
Öý eýeleri ― rüstem: Duşuşyklaryň üçüsinde hem öý eýeleri ýeňiş gazandy.
23 sary kartçy: Yzda galan duşuşyklarda eminler jemi 23 futbolça sary kart görkezdiler. Heniz birden kän duýduryş alan futbolçy ýok.
Gollara baý minutlar: Şu möwsümdäki duşuşyklaryň 11-nji, 66-njy we 90+2-nji minutlarynyň her birinde iki pökgi geçirildi.
Altyn Asyr Energetik 3:0
Gollar: 11 Altymyrat Annadurdyýew, 66 Mihail Titow, 90+2 Begmyrat Baýow.
Annadurdyýew ― ornunda: Altyn asyryň şu möwsümdäki ilkinji iki duşuşygynda hem tapawutlanan geçen ýylyň bombardiri eýýämden öz ornuna geçdi.
Altyn asyr ýene üç pökgi geçirdi: Altyn asyr şu möwsümdäki iki duşuşykda hem garşydaş derwezelere üç pökgi geçirip bildi.
Häzirlikçe, möwsümde iň tapawutly ýeňiş: Yzda galan 5 duşuşygyň şu duşuşykdan başga hiç birinde ýeňiji garşydaşyndan 3 gol tapawudy bilen üstün çykmady.
Ahal Nebitçi 2:0
Gollar: 28 Ilýa Tamurkin, 61 Elman Tagaýew.
Tagaýew ― öňdebaryjylaryň biri: Ahalyň iki duşuşygynda hem tapawutlanan ýarym goragçy Altymyrat Annadurdyýew we Yhlas Magtymow bilen bilelikde bombardirleriň sanawynyň başyny çekýär.
Şagadam Merw 4:2
Gollar: 14, 90+5 Yhlas Magtymow, 82 Farhad Italmazow, 90+2 Hemra Amanmämmedow ― 6 Begenç Alamow, 27 Pirmyrat Gazakow.
Magtymow ― eýýäm öňde: Ol şu möwsümde 2 pökgi geçirip bilen üç futbolçynyň biri.
Magtymow 50-nji goluny geçirdi: Türkmenportalyň sport habarçysynyň şahsy hasaplamalaryna görä, Yhlas Magtymow Ýokary ligadaky 50-nji pökgüsini tora girizdi.
Italmazowyň 10-njy goly: Biziň şahsy hasaplamalarymyza görä, Farhad Italmazowyň Ýokary ligadaky gollary 10-a tegelendi.
Iki tapgyryň iň köp golly duşuşygy: 6 pökgi geçirilen bu duşuşyk yzda galan 5 oýunda iň kän gol geçirilen oýun boldy.
Iň ir geçirilen pökgi: Begenç Alamowyň şu duşuşykda geçiren goly Ýokary liganyň 29-njy möwsüminde, häzirlikçe, iň ir geçirilen pökgüdir.
Iň giç geçirilen pökgi: Duşuşykda iň giç geçirilen gol hem şu oýna degişli. Ol Yhlas Magtymowyň goşmaça wagtyň 5-nji minudynda geçiren goludyr.
Magtymow ― ilkinji: Yhlas Magtymow şu möwsümde bi duşuşykda birden artyk pökgi geçirip bilen ilkinji futbolçy boldy.
1000-nji gol: Duşuşykda geçirilen üçünji pökgi Şagadamyň Ýokary liganyň taryhyndaky 1000-nji goludyr.
Köpetdag Aşgabat (geçirilen 12.11.2021 ý.).