Turkish Airlines awiakompaniýasy ýolagçylaryň Aşgabat — Stambul — Aşgabat gatnaw ugry boýunça hepdede 11 uçuşdan peýdalanyp biljekdigini ýatladýar. Gatnawlaryň çeýe tertibi ýolagçylara syýahat etmek, iş ýa-da dynç alyş maksatlary üçin iň amatly wagty saýlap almaga mümkinçilik berýär.
Awiakompaniýanyň gatnawlaryndan peýdalanmakda ýolagçylar ýokary rahatlygyň üpjün ediljekdigine bil baglap bilerler. Iň täze tehnologiýalar bilen enjamlaşdyrylan häzirki zaman uçarlary syýahatyň göwnejaý bolmagyny kepillendirýär. Uçuş wagtynda halaýan filmleriňizi görüp ýa-da aýdym diňläp dynç alyp bilersiňiz. Müşderilere ünsli we dostlukly çemeleşýän işgärler uçuşyňyzy ýatdan çykmajak pursatlar beslemek üçin ähli tagallalary ederler.
Ýatladyp geçsek, awiakompaniýanyň bu ugurdaky nyrh meýilnamasy golaýda täzelendi we ol 2025-nji ýylyň aprel aýyna çenli dowam eder. Aşgabat — Stambul — Aşgabat gatnaw ugry boýunça adaty uçuş derejesinde (ekonom klass) awiapetekleriň bahasy — 499 ABŞ dollaryndan, tersine amala aşyrylýan ugur boýunça bolsa — 720 ABŞ dollardan.
Diňe bir tarapyna uçuşy meýilleşdirýän ýolagçylar üçin Aşgabat — Stambul ugrunyň peteginiň bahasy — 302 ABŞ dollaryndan, Stambul — Aşgabat ugry boýunça bolsa — 388 ABŞ dollaryndan ýetirilýär. Iki ugur boýunça ýokary amatlykly uçuş derejesiniň (biznes klass) peteginiň bahasy — 1250 dollardandyr.
Awiakompaniýanyň Aşgabatdaky satuw ofisiniň salgylary: