Şu gün, 16-njy maýda Türkmenistan TÜRKSOÝ-a agza ýurtlaryň ÝUNESKO Milli toparlarynyň 10-njy mejlisinde Türki medeniýetiň halkara guramasynyň başlyklygyny resmi taýdan kabul etdi.
Aşgabatda bolan mejlisde başlyklyk Azerbaýjandan Türkmenistana geçdi. Bu barada HHM habar berýär.
TÜRKSOÝ-nyň Baş sekretary Sultan Raýew ÝUNESKO-nyň işleri barada Türkmenistanyň milli toparynyň jogapkär sekretary Çynar Rustemowa degişli nyşany gowşurdy. Çynar Rustemowa mundan beýläk Türkmenistanyň adyndan TÜRKSOÝ-a ýolbaşçylyk eder.
Türki medeniýetiň halkara guramasynyň başlyklygynyň geçirilmegi Türkmenistanyň halkara derejesinde türki medeniýetini gorap saklamak we ösdürmek ugrundaky ygrarlydygyny görkezýär.