Türkmenpoçta poçta aragatnaşyk kompaniýasy üçin işleriň gyşky gyzgalaňly möwsümi başlady. Bu döwürde ýurduň ähli poçta bölümleri Täze ýyl sowgatlyklaryny gapydan gapa eltip bermek bilen, hemmeleriň halaýan baýramynda raýatlara baýramçylyk şatlygyny paýlaýarlar.
Türkmenistanlylar gapydan gapa çaparçylyk hyzmatyndan peýdalanmak bilen, sowgatlaryny öz wagtynda hem-de ýurduň islendik ýerine bökdençsiz ugradyp bilerler.
Çapary öýüňe, şeýle-de iş ýeriňe çagyryp bolýar. Sargydy bolsa kompaniýanyň saýtyndan, ýa bolmasa-da (+993 12) 92 14 95 telefon belgisine jaň etmek arkaly resmileşdirmeli.
Şeýle hem, bu maksatlar üçin Türkmenistanyň islendik bank kartlaryndan ähli tölegleri awtomatiki usulda amala aşyryp bolýan Çapar mobil goşundysyny ulanyp bolýar. Mundan başga-da, Çapar ýollamanyň iberilişini yzarlamak mümkinçiligini ýetirýär, web saýtda türkmen, rus we iňlis dillerinde bar bolan zerur maglumatlar bolsa müşderiler üçin iň amatlylygy üpjün edýär.
Çapar goşundysyny Google Play we App Store internet dükanlaryndan ýükläp alyp bilersiňiz.
Şeýle-de okaň: