Türkmennebit döwlet konserni tarapyndan 2023-nji ýylyň 11 aýynda 3 million tonnadan gowrak nebit gazylyp alyndy we bu babatdaky meýilnama 111 göterim ýerine ýetirildi. Bu barada Türkmenistan: Altyn asyr elektron neşiri habar berdi.
Şeýle ýokary üstünliklere Türkmennebit döwlet konserniniň Balkan welaýatyndaky Gumdagnebit, Keýmir, Galkynyşnebit nebitgaz çykaryş müdirlikleriniň zähmet toparlary has saldamly goşant goşdular.
Türkmennebit döwlet konserniniň burawlaýjylarynyň hem alynýan nebitiň möçberleriniň artdyrylmagynda mynasyp paýlary bar. Olaryň şu ýylyň geçen 11 aýynyň jemi boýunça gazan dag jynslarynyň umumy çuňlugy 152 müň metrden gowrak boldy. Bu görkeziji geçen ýylyň degişli döwrüne garanyňda, 12 müň metr köpdür.