Türkmenistanyň Söwda-senagat edarasynda ministrlikler we pudak edaralary bilen
bilelikde Türkmenistanyň ykdysady üstünlikleriniň ýurt Garaşsyzlygynyň 29
ýyllyk baýramyna bagyşlanan Sanly ykdysadyýet
ykdysady ösüşiň möhüm ugry atly halkara sergisi hem-de ylmy maslahaty
geçirildi.
Iki günläp dowam eden çäräniň açylyş dabarasyna Türkmenistanyň Mejlisiniñ
ýolbaşçylary, hökümet agzalary, ministrlikleriñ we edaralaryñ, jemgyýetçilik
guramalarynyñ, Türkmenistanda işleýän
diplomatik wekilhanalaryñ we halkara guramalaryň ýolbaşçylary hem-de köpsanly
daşary ýurt myhmanlary gatnaşdylar.
Häzirki wagtda Sanly ykdysadyýet
adalgasy ýörgünli boldy. Munuň sebäbini ylmy-tehniki ösüşiň gazananlaryny,
hususan-da, sanly maglumatlary ykdysadyýete ornaşdyrmagyň netijesinde uly
öňegidişlikleri gazanmagy başardandygy bilen düşündirmek bolar. Hormatly
Prezidentimiziň tagallasy bilen Türkmenistanda sanly ykdysadyýeti ösdürmäge
möhüm ähmiýet berilýär. Şu maksat bilen, hormatly Prezidentimiziň Karary
esasynda Türkmenistanda 2019-2025-nji ýyllarda sanly ykdysadyýeti ösdürmegiň Konsepsiýasy
tassyklandy. Bu babatdaky Karar Berkarar döwletimiziň bagtyýarlyk döwründe
milli ykdysadyýeti diwersifikasiýa ýoly bilen ösdürmek, milli ykdysadyýete
sanly ulgamy ornaşdyrmak boýunça öňdebaryjy döwletleriň derejesine ýetirmek,
elektron senagaty ösdürmek, adamyň aň-bilim maýasyna, işewürlige we maglumat-aragatnaşyk
tehnologiýalarynyň soňky gazananlaryna esaslanýan ösen ykdysadyýeti kemala
getirmek, innowasion, ýokary tehnologiýaly, bäsdeşlige ukyply sanly
ykdysadyýeti ösdürmek maksady bilen kabul edildi. Jemi VII bapdan ybarat bolan
bu Konsepsiýanyň häzirki wagtda üstünlikli durmuşa geçirilýändigini bellemek
gerek. Biz hem bu sergi-ýarmarkasyna we ylmy maslahatyna şanly
Garaşsyzlygymyzyň 29 ýyllygyna bagyşlap
ýurdumyzda sanly ykdysadyýetiň ösdürilmegi, sanly serişdeleriň giňden
ornaşdyrylmagy ýurdumyzyň dünýäniň sanly giňişligine işjeň goşulyşmagy we
ýetilen belent sepgitler dogrusynda bu sergä gatnaşyjylara söz berýäris.
Kerim TÄÇMYRADOW,
Türkmenawtoulaglary agentliginiň Awtoulag serişdelerini
abatlamak, ýerlemek we olara enjamlaýyn hyzmat etmek boýunça önümçilik
birleşiginiň Kärdeşler arkalaşygynyň ilkinji guramasynyň başlygy:
Berkarar döwletimiziň bagtyýarlyk döwründe hormatly
Prezidentimiziň taýsyz tagallasy netijesinde ösüşiň täze belentlikleri röwşen
ýoly bilen ynamly öňe barýar. Türkmen halky bu günki gün eşretli zamananyň hözirini
görüp ýaşaýar. Ýurdumyzy ykdysady taýdan ösdürmek babatda alnyp barylýan
maksatnamalaýyn işler, toplumlaýyn häsiýete eýe bolup, tapgyrlaýyn ýagdaýlarda
amala aşyrylýar. Ýurdumyzda her bir gün şatlykly wakalara toýdur dabaralara
beslenýär. Ine, şu gün hem paýtagtymyzyň gözel
künjeginde ýerleşýän Söwda we senagat edarasynda, Türkmenistanyň ykdysady üstünlikleriniň ýurt
Garaşsyzlygynyň 29 ýyllyk baýramyna bagyşlanan sergi uly üstünliklere,
dabaralar beslenip geçirilýär. Bu ýerde hormatly Prezidentimiziň başda
durmagynda ýurdumyz ykdysady taýdan ýeten belent sepgitlerini görkezýän
diwarlyklar bilen ýurdumyzyň ähli pudaklaryndan ýörite tehnologiýa enjamlary
getirildi. Bu sergide ylym-bilim, söwda, ulag aragatnaşyk, sport, medeniýet
ýaly ähli ugurlar boýunça, soňky ýyllarda ýetilen belent sepgitleri görkezýän
ýörite nusgalar sergilenýär. Biz hem, Türkmenawtoulaglary
agentliginiň agzybir işgärleri bolup, bu
sergä özümiziň sergi diwarlarymyz bilen gatnaşýarys.
Hormatly Prezidentimiziň tagallasy bilen dünýäniň
ösen ýurtlaryndan döwrebap, ýokary hilli awtoulaglary getirilip, ulanmaga berildi. Biz hem awtoulaglaryň maketleri
barada wideorolikleri, ätiýaçlyk şaýlary we doly maglumat berýän
nusgalary getirdik. Bu awtoulaglar ýurdumyzyň Senagat we oba hojalyk pudagynda
özüniň awtoulag hyzmatynyň ýokary hillerini görkezip gelýärler. Şeýle hem, biz Türkmenawtoulaglary agentligi bolup, sergä ýurdumyzda hereket
edýän gümrük geçelgeleriniň kartlaryny, sport bilen baglanşykly awtosport
boýunça dünýä ýaryşlarynda baýrakly orunlara mynasyp bolan awtoulaglarymyzyň
nusgalaryny getirdik.
Biz hem, hormatly Prezidentimize ýurdumyzyň Awtomabil ulag ulgamyny dünýä derejesine çykarmak
barada döredip berýän giň mümkinçilikleri üçin köp sagbolsun aýdýarys. Goý
hormatly Prezidentimiziň jany sag ömri uzak bolsun!
Myrat GURBANOW,
Türkmenistanyň binagärlik we gurluşyk ministrliginiň Seýsmiki ýagdaýa durnukly gurluşyk ylmy-barlag institutynyň Işgärler bölüminiň baş hünärmeni:
Türkmenistan döwletimizde her bir gün toýdur
baýramlara beslenýär. Şu gün hem ýurdumyzda mukaddes Garaşsyzlygymyzyň şanly 29 ýyllygynyň öňüsyrasynda
ýurdumyzda uly sergi öz işine başlady. Biz hem, Türkmenistanyň gurluşyk we
binagärlik ministrliginiň Seýsmiki ýagdaýa durnukly gurluşyk ylmy-barlag
institutynyň agzybir işgärleri bolup, bu sergide özümiziň ýörite gurluşyk
enjamlarymyzy we dürli serişdelerimizi getirip, halk köpçüligine şu sergiň üsti
bilen görkezýäris. Hormatly Prezidentimiziň tagallalary bilen häzirki wagtda
ýurdumyz ähli ulgamlar bilen bir hatarda gurluşyk pudagy uly üstünliklere
beslenýär. Ýurdumyzyň çar künjeginde dürli döwrebap binalar gurulýar. Gurulýan
binalarda biziň milli binagärçiligimiziň keşbiniň bolmagy bizi has-da
buýsandyrýar. Ýurdumyzda gurlan binalaryň birnäçesi Ginnesiň Rekordlar Kitabynda
öz mynasyp ornuny tapdy. Biziň institutymyzyň taýýarlaýan hünärmenleri
ýurdumyzda alnyp barylýan gurluşyk işlerinde zähmet çekýärler.
Bu sergide görkezilen diwarlyklar ýurdumyzyň
ähli ulgamlarda gazanan beýik üstünliklerine şaýatlyk edýär. Biz hem pursatdan
peýdalanyp, hormatly Prezidentimize hoşallyk bildirýäris. Goý, hormatly
Prezidentimiziň jany sag, alyp barýan il-ýurt bähbitli beýik işleri rowaç
bolsun!
Maral GOLLIÝEWA,
Türkmengaz döwlet konserniniň Türkmengazawtomatika müdürliginiň “Ýerastymetalgoraýyş we hil” gullugynyň 1-nji derejeli inženeri:
Hormatly Prezidentimiziň parasatly
baştutanlygynda nebitgaz toplumynda amala aşyrylýan giň möçberli taslamalar
pudagyň ykdysady kuwwatyny has-da artdyrmakda möhüm ähmiýete eýe bolmak bilen
bir hatarda, halkara energetiki
giňişliginde öňdebaryjylaryň biri hökmünde
Türkmenistanyň derejesini tassyklaýar. Ýurdumyzda tebigy gazy we mineral çig
mal serişdelerini gaýtadan işlemegi çuňlaşdyrmak, uglewodorod serişdelerini we
olary gaýtadan işlemekden alynýan önümleri dünýä bazarlarynda dürli ugurlar
boýunça ýerlemek önümçiligi döwrebap tehniki serişdeler bilen enjamlaşdyrmak we
innowasion tehnologiýalary ornaşdyrmak arkaly ykdysadyýetiň düzüminiň diwersifikasiýalaşdyrylmagyna goşant goşmak, bäsdeşlige ukyply we ekologiýa
taýdan arassa taýýar önümleri uly möçberde öndürmek, daşky gurşawy gorap
saklamak boýunça alnyp barylýan möhüm taslamalar yzygiderli we üstünlikli
durmuşa geçirilýär.
Hormatly Prezidentimiziň taýsyz tagallalary
netijesinde ýurdumyzyň nebitgaz pudagynda halkara ülňülerine laýyk gelýän
önümler öndürilýär. Ylmyň we tehnikanyň iň soňky gazananlary önümçilige
ornaşdyrylýar, pudaga daşary ýurt maýa goýumlary oýlanyşykly çekilýär we olar
netijeli özleşdirilýär. Hormatly Prezidentimiziň alyp barýan
parasatly ykdysady syýasaty, ýurdumyzyň ägirt uly tebigy baýlyklaryny hem-de
ykdysady kuwwatyny, halkymyzyň bagtyýar durmuşyny, sebitde we dünýä energetika
howpsuzlygyny we durnukly ykdysady ösüşi üpjün etmäge gönükdirilendir. Türkmenistan
döwletimiz energiýa serişdeleriniň adaty çeşmelerine baý döwletleriň biri
hökmünde dünýäniň esasy energiýa öndüriji ýurtlarynyň hataryna ymykly girmegini
üpjün etjek örän ähmiýetli we geljekki döwürlere niýetlenen ägirt uly işler
amala aşyrylýar. Türkmengaz döwlet konserni we Ýaponiýanyň “Kawasaki Heavy Industries, LTD” hem-de Türkiýäniň “Rönesans Endüstri tesisleri Inşaat A.Ş.” kompaniýalar konsorsiumy bilen baglaşylan şertnama laýyklykda Daniýa
Patyşalygynyň “Haldor
Topsoe” tehnologiýasy
esasynda taslamalaşdyrylan, dünýäde ilkinji gazdan ekologiýa taýdan arassa
benzin öndürýän zawody gurlup ulanmaga berildi. Şeýle hem, Ahaldaky gazdan
benzin öndürýän zawodyň işe girizilmegi ýurdumyzyň ösen senagat döwletine
öwrülýändiginiň ýene-de bir aýdyň mysaly bolup, ýurdumyzyň tebigy
mümkinçiliklerini türkmen halkymyzyň bähbidine gönükdirmek babatda alnyp
barylýan ägirt uly işleriň aýdyň subutnamasydyr. Ýurdumyzda şeýle möhüm
çäreleriň geçirilmegi, daşary ýurtly myhmanlar bilen özara bähbitli
hyzmatdaşlygy giňeltmek, pudaga iň gowy dünýä tejribesini we täze
tehnologiýalary çekmek, ýangyç-energetika toplumynyň ägirt uly kuwwatyny we
gazananlaryny görkezmäge daşary ýurtly hyzmatdaşlar bilen netijeli gatnaşyklary
berkitmäge, şeýle hem olaryň dünýä bazarlarynyň häzirki ösüşi bilen tanyşmak
üçin uly mümkinçilikleri döredýär.
Yzygiderli geçirilýän şeýle pudaklaýyn sergilerdir,
maslahatlar bolsa, öňdebaryjy dünýä tejribesini öwrenmegine hem-de innowasion
tarapdan işläp taýýarlamalary
önümçilige ornaşdyrmaklaryna giň
mümkinçilikleri açýar.
Aýsenem ATAÝEWA,
Türkmenistanyň Daşary işler ministrliginiň Halkara gatnaşyklary institutynyň talyby.