Ahal welaýatynyň Ahal topary futbol çempionatymyzyň nobatdaky möwsüminiň öňýany tejribeli oýunçylary düzümine geçirdi.
Futbol çempionatymyzyň täze möwsüminiň öňüsyrasy Ahalyň düzümine geçen möwsümi Özbegistanyň Kyzylkum toparynyň düzüminde geçiren Abdy Bäşimow, Bunýodkorda çykyş eden Selim Nurmyradow hem-de Maşalda oýnan Didar Durdyýew goşuldylar.
Mundan başga-da, geçen möwsüm Malaýziýanyň PDRM toparynda çykyş eden milli ýygyndymyzyň oýunçylary Serdar Geldiýew bilen Şöhrat Söýünow hem hünär ýollaryny Ahalda dowam ederler.
Geçen möwsüm Abdyş-Ata topary bilen Gyrgyz Respublikasynyň futbol birinjiliginde dördünji orny eýelän Ata Geldiýew hem Ahalyň düzümine goşuldy. Şeýle-de, Ahal welaýatynyň topary Köpetdagyň derwezeçisi Rasul Çaryýewdir, bu toparyň oýunçylary Meýlis Diniýew hem-de Ybraýym Mämmedow bilen hem şertnama baglaşdy.
Köpetdag topary bilen futzal boýunça Türkmenistanyň Naýbaşy ligasy-2020-de çempionlyk derejesini gazanan Daýanç Garajaýew, Arzuwguly Sapargulyýew, Berdimyrat Sapardurdyýew (derwezeçi) hem Ahalyň düzümine goşuldylar.
Mundan başga-da, Ahal topary geljegine umyt bildirilýän ýaş oýunçylaryň hem birnäçesini düzümine goşdy.
Ýeri gelende bellesek, Türkmenistanyň futbol çempionatynyň geçen möwsüminde 55 utuk toplan Ahal ýaryş tertibinde ikinji basgançagy eýeläpdi.