17-nji ýanwarda prezident Gurbanguly Berdimuhamedow sebitleriň ýolbaşçylary we oba senagaty boýunça wise-premýer Esenmyrat Orazgeldiýew bilen maslahat geçirdi diýip TDH döwlet täzelikler gullugy maglumat berýär.
Häkimler oba hojalyk möwsümine taýýarlyklar barada hasabat berdiler we ekiljek ekinleriňmeýdany yglan etdiler.
___________________________
Ahal welaýatynyň häkimi Ýazmuhammet Gurbanowyň habaryna görä, oba hojalyk ekinleri üçin bölünip berilen meýdanyň möçberi 362,61 müň gektara deň we onuň:
–135 müň gektaryna pagta ekiler we 280 müň tonna hasyl ýygnalar,
–195 müň gektaryna galla,
–13,1 müň gektaryna ýeralma hem ekiler.
_____________________________
Balkan welaýatynyň häkimi Taňryguly Atahallyýewiň maglumatyna görä, sebitde 71,43 müň gektara ekin ekiler we onuň:
–10 müň gektaryna pagta ekiler we 10 müň tonna hasyl alynar,
–50 müň gektaryna galla,
–2,9 müň gektaryna ýeralma hem ekiler.
_______________________________
Daşoguz welaýatynyň häkimi Nazarmyrat Nazarmyradowyň gürrüň bermegine görä,324,02 müň gektar meýdana ekin ekiler we onuň:
–140 müň gektaryna pagta ekiler we 275 müň tonna hasyl,
–145 müň gektaryna galla,
–8,1 müň gektaryna şaly,
–8,8 müň gektaryna ýeralma hem ekiler.
____________________________
Lebap welaýatynyň häkimi Şöhrat Amangeldiýewiň hasabatyna laýyklykda, şu ýyl 263,133 müň gektar meýdana ekin ekiler we onuň:
–130 müň gektaryna pagta ekiler we 320 müň tonna hasyl alynar,
–130 müň gektaryna galla,
–10,2 müň gektaryna şaly,
–2,3 müň gektaryna ýeralma hem ekiler.
______________________________
Mary welaýatynyň häkimi Döwranberdi Annaberdiýewiň hasabatyna laýyklykda, sebitde jemi 366,67 müň gektar meýdana ekin ekiler. Onuň:
–165 müň gektaryna pagta ekiler we 365 müň tonna hasyl alynar,
–170 müň gektaryna galla,
–12,9 müň gektaryna ýeralma hem ekiler.
_________________________
Netijede, 2022-nji ýylda ýurtda 1.403,120 gektar (telereportajda görkezilen sanawda bolsa,ekin ekilýän jemi meýdan 1.387.863 gektara deň ) meýdana ekin ekiler diýip TDH ýazýar. Onuň:
–580 müň gektaryna pagta ekiler we 1,25 milýon tonna hasyl alynar,
–690 müň gektaryna galla,
–40 müň gektaryna ýeralma,
–18,3 müň gektaryna şaly ekiler.
2021-nji ýylyň dekabrynda wise-premýer Orazgeldiýew pagta ekmek üçin bölünen ýeriň 40 müň gektar kemeldiljekdigini habar beripdi.
Emma, meýilnama laýyklykda, 2022-nji ýylda pagta ekilýän meýdanyň möçberi öňkiligine galýar.The post Türkmenistanyň welaýat häkimleri pagta, däne we beýleki gök önümler üçin bölünen ýerleri yglan etdiler first appeared on Türkmenistanyň Hronikasy.