12-nji dekabrda Prezident Serdar Berdimuhamedow Russiýa Federasiýasynyň Wozroždeniýe taslama-gurluşyk kompaniýalar toparynyň ýolbaşçysy Igor Bukatony kabul etdi.I.Bukato duşuşmaga wagt tapyp kabul edilendigi üçin hoşallyk bildirip, döwlet Baştutanyny we ähli türkmen halkyny Türkmenistanyň hemişelik Bitaraplygynyň 29 ýyllygy bilen gutlady, şeýle hem Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowа iň gowy arzuwlaryny beýan etdi.
Prezident Serdar Berdimuhamedow gutlaglar üçin minnetdarlyk bildirip, Russiýanyň iri kompaniýasy bilen alnyp barylýan hyzmatdaşlygyň netijeliligini kanagatlanma bilen belledi.Wozroždeniýe kompaniýasynyň köp ýyllaryň dowamynda Türkmenistanda möhüm taslamalary durmuşa geçirip gelýändigi nygtalyp, onuň özüni ygtybarly hyzmatdaş hökmünde görkezendigi bellenildi.
Döwlet Baştutany häzirki wagtda Aşgabatda şäher infrastrukturasyny ösdürmek boýunça giň möçberli maksatnamanyň amala aşyrylýandygyny belledi.Maksatnama ugurlaryň giň gerimini, şol sanda döwrebap ýaşaýyş jaýlaryny gurmak, ulag infrastrukturasyny ösdürmek, ekologiýa ýagdaýy mundan beýläk-de gowulandyrmak ýaly ugurlary öz içine alýar.
Strategiýanyň çäklerinde bilim, medeniýet edaralary hem işjeň ösdürilýär.Türkmenistanyň Prezidenti ugurdaky tagallalaryň ählisi özünde gözelligi, täzeçilligi, ýokary derejeli durmuş şertlerini jemleýän şäheri döretmäge gönükdirilendigini nygtap, Türkmenistanyň ýokary önümçilik kuwwaty bolan kompaniýalar, şol sanda Wozroždeniýe kompaniýasy bilen hyzmatdaşlygy ösdürmäge taýýardygyny tassyklady.
Prezident Serdar Berdimuhamedow özara bähbitli hyzmatdaşlygy dowam etdirmek üçin uly mümkinçilikleriň bardygyny belläp, türkmen tarapynyň hyzmatdaşlygy mundan beýläk-de ösdürmek boýunça anyk tekliplere seretmäge taýýardygyny beýan etdi.Igor Bukato bildirilýän ynam we goldaw üçin hoşallygyny beýan edip, ýolbaşçylyk edýän kompaniýasynyň netijeli hyzmatdaşlygy dowam etdirmäge gyzyklanma bildirýändigini tassyklady hem-de Wozroždeniýe kompaniýasynyň öz üstüne alan borçnamalaryny ýokary hilli, öz wagtynda ýerine ýetirmek we Türkmenistanyň ykdysady ösüşine mynasyp goşant goşmak üçin ähli tagallalary etjekdigine ynandyrdy. /* custom css */ .td_uid_15_675d758228801_rand.td-a-rec-img { text-align: left; } .td_uid_15_675d758228801_rand.td-a-rec-img img { margin: 0 auto 0 0; }