Prezident Gurbanguly Berdimuhamedow welaýat häkimlerini Türkmenistanyň Garaşsyzlygynyň 30 ýyllygyna ýubileý medallary bilen sylaglady.
Döwlet Baştutanynyň degişli kararyna laýyklykda, ýurt garaşsyzlygyny we ykdysadyýetini berkitmäge, oba hojalygyny ösdürmäge goşan goşantlary hem-de beýleki hyzmatlaryny göz öňünde tutup, şeýle hem Hasyl toýy mynasybetli bäş welaýatyň häkimleri: Ahal welaýatynyň häkimi — Ýazmuhammet Gurbanow, Balkan welaýatynyň häkimi — Taňryguly Atahallyýew, Daşoguz welaýatynyň häkimi — Nazarmyrat Nazarmyradow, Lebap welaýatynyň häkimi — Şöhrat Amangeldiýew we Mary welaýatynyň häkimi — Döwranberdi Annaberdiýew ýubileý medaly bilen sylaglanyldy.
Türkmenistanyň Prezidenti şeýle hem baýramçylygyň öňüsyrasynda köp sanly oba zähmetkeşlerini, tapawutlanan daýhanlary Watana bolan söýgüsi üçin medaly bilen sylaglady.
Belläp geçsek, 14-nji noýabrda Türkmenistanda Hasyl toýy giňden bellenildi. Baýramçylyk mynasybetli Türkmenistanyň Söwda-senagat edarasynda ýurdumyzyň oba hojalyk önümleriniň uly sergisi guraldy.