Şu gün Astanada Türkmenistanyň Prezidenti Serdar Berdimuhamedow Gazagystanyň Prezidenti Kasym-Žomart Tokaýew bilen duşuşdy.
Ozal habar berşimiz ýaly, şu gün Serdar Berdimuhamedow Merkezi Aziýa döwletleriniň Baştutanlarynyň altynjy konsultatiw duşuşygyna gatnaşmak üçin Gazagystanda saparda bolýar. Duşuşykda Gazagystanyň Prezidenti sammite gatnaşandygy üçin Türkmenistanyň Prezidentine minnetdarlyk bildirdi, şeýle hem bu saparyň ýurtlaryň arasyndaky köptaraplaýyn hyzmatdaşlygy mundan beýläk-de ösdürmek nukdaýnazaryndan ähmiýetini belläp geçdi. Bu barada Gazagystanyň Prezidentiniň Metbugat gullugy habar berdi.