8-nji fewralda, Amerikanyň “Comedy Central” kanalynyň “Gündelik Tomaşa” (The Daily Show) gepleşiginde ýyllyk “Eziji” baýragynyň 51-nji sylagynyň gowşurylmagyna bagyşlanan dabara atly degişme gepleşik efire berildi, bu gepleşikde dürli ýurtlaryň liderlerine awtoritar dolandyryşda “gazanan üstünlikleri” üçin baha berilýär.
Dürli görnüşler boýunça baýraga hödürlenen prezidentleriň arasynda: ABŞ-dan Donald Tramp, Filippinden Rodrige Duterte, Siriýadan Başar al-Asad, Wenezueladan Nikolas Madura, Türkmenistandan Gurbanguly Berdimuhamedow, Kambojadan premýer-ministr Hun Sen bar.
Türkmenistanyň prezidenti Gurbanguly Berdimuhamedow propaganda wideosynda diktatoryň roluny iň gowy ýerine ýetiren (oýnan) hökmünde (Best performance by a dictator in a propaganda video) (wideonyň üçünji minutynda) baýraga mynasyp boldy.
Bu ýerde gürrüň Berdimuhamedowyň güýç ministrlikleriniň ýolbaşçylaryna ok atmagy we nyşanadan hanjar zyňmagy öwredýän wideosy barada barýar.
Bu wideonyň salgyny iberen okyja minnetdarlyk bildirýäris.
Eger siziň sebitiňizde youtube roligi elýeterli bolmasa, wideonyň alternatiw salgyny şu ýerden tapyp bilersiňiz.