Türkmenistanyň prezidenti Gurbanguly Berdimuhamedow 6-nji iýulda bir günlük sapar bilen Tatarystana bardy.
Döwlet baştutany sapara öz agtygy Kerimgulyny hem alyp bardy diýip, TDH habar berýär.
Prezident Gurbanguly Berdimuhamedow günüň dowamynda Tatarystanyň prezidenti Rustam Minnihanow bilen duşuşdy we bile boldy. Planlaşdyrylyşy ýaly, döwlet baştutanlary “Ideýa” tehnoparkyna we ýerli kärhanalaryň konstruktorçylyk we ylmy-gözleg işleriniň sergisiene bardy, Kazan Kremlinde gepleşik geçirdi.
Prezidentiň agrygy Kerimguly türkmen DIM-niň başlygy R.Meredow bilen
Tatarystanyň prezidentiniň metbugat gullugynyň maglumatyna görä, prezident Berdimuhamedow “KAMAZ” awtomobilleriniň Türkmenistana gereklidigini tassyklady.
“Biz “KAMAZ” maşynlaryndan hiç wagt ýüz öwürmedik we geljekde hem ýüz öwürmeris” diýip, ol ynandyrdy.
Prezident Berdimuhamedow we onuň agtygy agşamlyk futbol boýunça dünýä çempionatynyň dörtden bir final duşuşygynyň geçiriljke ýerine, “Kazan-Arena” stadionyna ugrady.
“Gündogar” saýtynyň maglumatyna görä, VIP tribunasynda Berdimuhamedowdan başga-da tanymal myhmanlar boldy, olaryň arasynda FIFA-nyň prezidenti Janni Infantino, Orsýetiň prezidentiniň kömekçisi Igor Lewitin, “Russiýa demir ýollary” Açyk aksionerler jemgyýetiniň direktorlar geňeşiniň başlygy Arkadiý Dworkowiç, belgiýaly aktýor Žan-Klod Wan Damm we Braziliýanyň futbol komandasynyň ozalky hüjümçisi Ronalda Luis Nazariy di Lima dagy hem bar.
Prezidentiň uçary ýerli wagt bilen sagat 22:30-da Kazandan Türkmenbaşa uçdy.