Futbol boýunça Türkmenistanyň milli ýygyndysynyň oktýabr aýynda geçiriljek okuw-türgenleşik ýygnanyşygyna 24 oýunçy çagyryldy. Bu barada milli ýygyndynyň metbugat gullugy habar berdi.
Türkmenistanyň milli ýygyndysynyň düzümi:
Derwezeçiler: Resul Çaryýew (Arkadag FK), Batyr Babaýew (Altyn asyr), Döwletýar Berdiýew (Ahal).
Goragçylar: Ata Geldiýew, Hakmuhammet Bäşimow, Şöhrat Söýünow (hemmesi Ahal), Güýçmyrat Annagulyýew, Yhlas Toýjanow, Abdy Bäşimow, Ybraýym Mämmedow (hemmesi Arkadag FK).
Ýarymgoragçylar: Ilýa Tamurkin, Arzuw Sapargulyýew, Welmyrat Ballakow, Begmyrat Baýew, Arslanmyrat Amanow (hemmesi Arkadag FK), Döwran Hojamämmedow (Ahal), Ruslan Mingazow (Kitçi, Gonkong), Teýmur Çaryýew (Abdyş-Ata, Gyrgyzystan).
Hüjümçiler: Elman Tagaýew, Ýazgylyç Gurbanow (ikisi hem Ahal), Şanazar Tirkişow, Altymyrat Annadurdyýew (ikisi hem Arkadag FK), Myrat Annaýew, Selim Nurmyradow (ikisi hem Altyn asyr).
Milli ýygyndynyň Dubaý şäherinde geçiriljek okuw-türgenleşik ýygnanyşygy 18-nji oktýabra çenli dowam eder. Onuň dowamynda DÇ-2026-nyň saýlama tapgyryna taýýarlyk görýän türkmen ýygyndysy BAE-niň çempionatynda çykyş edýän toparlaryň ikisi bilen ýoldaşlyk duşuşygyny geçirer.
Ýeri gelende bellesek, noýabr aýynda Aziýa yklymynda DÇ-2026-nyň saýlama tapgyryna badalga berler. Saýlama tapgyrynyň E toparçasyndan orun alan Türkmenistanyň ýygyndysy Eýran, Özbegistan hem-de Gonkong/Butan jübütiniň ýeňijisi bilen güýç synanyşar. Mergen Orazowyň şägirtleri saýlama tapgyryna 16-njy noýabrda Özbegistan bilen boljak oýun arkaly girişerler.